ನಾ ಓಡಲ?
ಇಲ್ಲ
ನಿಂತು
ನೋಡಲ?
ಭಾನ ಅಪ್ಪಿ
ಭೂತಾಕರದಿ ನಿಂತ
ಕಾರ್ಮೋಡ
ಭುವಿಯನೆತ್ತಿ
ಭಾನಿಗೆಸೆಯುವ ಆತುರದಿರುವ
ಕುಳಿರ್ಗಾಳಿ
ನಿಂತಿಹುದು
ವಿಶ್ವಾಸ ಛೇಧಿಸುವ
ಬಲದಿ
ಅರಿವಿರಲಿ
ಕಾರ್ಮೋಡ ಸುರಿದೀತು
ಬೊಗಸೆ ನೀರ
ಕುಳಿರ್ಗಾಳಿ ಮುರಿದೀತು
ಒಂದೆರಡು ಕೊಂಬೆಯ
ಎಣಿಸಲಾಗದ
ತೊಡಕ ನೋಡಿದ
ನಿಕಾಯ
ಅಂಜಿಕೆ ಬೇಡ
ಅರೆಕ್ಷಣದ
ವಿಪತ್ತಿಯ
ಛಲವಿರಲಿ ನಿಂತು
ನೋಡುವ
ಭಯವಿರದಿರಲಿ
ಹಿಮ್ಮುಖ ಓಡುವ!
ರಾಮಮೂರ್ತಿ ಮಕ್ಕಿತ್ತಾಯ ಅವರು ಮೂಲತಃ ಉಡುಪಿ ಜಿಲ್ಲೆಯ ಬಾಳೆಕುದ್ರು ಗ್ರಾಮದವರು. ವೃತ್ತಿಯಲ್ಲಿ ಕಂಪ್ಯೂಟರ್ ಇಂಜಿನಿಯರ್ ಆಗಿರುವ ಇವರು ಹವ್ಯಾಸೀ ಬರಹಗಾರರು. ‘ಮೇಘ ಮಂಥನ ’ ಪುಸ್ತಕದ ಲೇಖಕರು. ಟ್ರೆಕ್ಕಿಂಗ್ ಮತ್ತು ವ್ಯಂಗ್ಯ ಚಿತ್ರ ಬಿಡಿಸುವುದು ಇವರ ಇತರ ಹವ್ಯಾಸಗಳು.
Latest posts by rmakkithaya (see all)
- ಸ್ಪೂರ್ತಿ! - July 12, 2021
- ಛಲ! - May 9, 2021
- ಮೊಗ್ಗಾಗುವ ಆಸೆ! - April 11, 2021
