ಬೆಳ್ಳಿಯೊಳಲೆಯ ತಂದು ಪಾಲುಣಿಸಲೇಂ ಶಿಶುಗೆ
ಮಿಳ್ಳೆ ಮಣ್ಣಿನದಿರಲಿ ಪಾಲು ಪಾಲಲ್ತೆ !?
ಮಿಳ್ಳೆ ಗೊಡವೆಯದೇಕೆ ಪಾಲುಣುವ ಶಿಶುವಿಂಗೆ
ಒಳ್ಳೆ ಸುಜ್ಞಾನ ಪಿಡಿ ಜಾಣಮೂರ್ಖ//
ಇಂದು ಎಲ್ಲವೂ ತೋರಿಕೆಯ ಪ್ರಪಂಚವಾಗಿಬಿಟ್ಟಿದೆ. ಶ್ರೀಮಂತರು ತಮ್ಮ ಮನೆಯ ಮಗುವಿಗೆ ಚಿನ್ನ , ಬೆಳ್ಳಿಯ ಒಳಲೆಯಲ್ಲಿ ಹಾಲುಣಿಸಿದರೆ ಬಡವರು ಮಣ್ಣಿನೊಳಲೆಯನ್ನೇ ಬಳಸುತ್ತಾರೆ. ಇಲ್ಲಿ ಒಳಲೆ ಎಂತಹುದು ಎನ್ನುವುದಕ್ಕಿಂತ ಹಾಲು ಹೇಗಿದೆಯೆಂಬುದೇ ಮುಖ್ಯ. ನೀಡುವ ಭಾವ ಮುಖ್ಯ ! ಇಂದು ಆಧುನಿಕ ನಾಗರಿಕ ಪ್ರಪಂಚ ! ಎಷ್ಟೋ ಮನೆಗಳಲ್ಲಿ ತಾಯಂದಿರಿಗೆ ಮಗುವಿಗೆ ಹಾಲುಣಿಸುವಷ್ಟು ವ್ಯವಧಾನವೂ ಇರುವುದಿಲ್ಲ. ಈ ಮಾತು ಹಾಗಿರಲಿ ಬಿಡಿ. ಹಾಲು ಹಾಲೇ ತಾನೆ !? ಮಗುವಿಗೆ ಮಿಳ್ಳೆಯ , ಹಾಲುಣಿಸುವವರ ಗೊಡವೆ ಇರುವುದೇನು !? ಹಾಗೆಯೇ ಕಲಿಯುವ ವಿದ್ಯಾರ್ಥಿಗೆ ಕಲಿಸುವ ಗುರು , ಧರ್ಮ ಇತ್ಯಾದಿಗಳು ಯಾವುದಾದರೇನಂತೆ ! ಕಲಿವ ಸುಜ್ಞನವೇ ಮುಖ್ಯ. ಆ ಕಡೆಗೆ ಗಮನ ಹರಿಸಬೇಕೇ ಹೊರತು ಗುರುವಿನ ಬಾಹ್ಯ ಸ್ಥಿತಿಗಲ್ಲ ! ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
