ಜಗವೆ ದುಃಖಿಸುತಿರಲು ನಗುವೆಂತು ನೀ ಪೇಳು
ನಗೆಯ ಹೂವರಳೆ ತಾ ನಂದನವು ಲೋಕ
ನಗು ನಗಿಸು ನಗೆಹೂವಿಗಿಂಬಾಗು ಬಾಳೆಲ್ಲ
ಮಿಗೆ ಸಗ್ಗವಾಗ ಕಾಣ್ ಜಾಣಮೂರ್ಖ //
ಜಗತ್ತು ನಗುತ್ತಿದ್ದರೆ ಅದರ ಜೊತೆ ನಾವೂ ನಗಬಹುದು. ಜಗತ್ತು ಎಂದರೆ ನಮ್ಮ ನೆರೆ ಹೊರೆ ಎಂದರ್ಥ. ಎಲ್ಲರ ಮುಖದಲ್ಲೂ ನಗೆಯ ಹೂವು ಅರಳಿದರೆ ಜಗವೊಂದು ನಂದನವಿದ್ದಂತೆ. ಆದರೆ ಜಗತ್ತೇ ದುಃಖಿಸುತ್ತಿರುವಾಗ ನಾನೊಬ್ಬ ನಗಲೆಂತು ಸಾಧ್ಯ !? ಹಾಗೆ ಬಯಸುವುದಾದರೂ ಹೇಗೆ ? ಆದ್ದರಿಂದ ನಾವೂ ನಕ್ಕು , ಇತರರನ್ನೂ ನಗಿಸಿ ನಗುವಿಗೆ ಇಂಬಾಗಿ ಬದುಕಿದಾಗ ಅಂತಹಾ ಬಾಳು ನಮಗಿರುವಾಗ ಸ್ವರ್ಗವಾದರೂ ಏಕೆ !? ಬದುಕೇ ಸ್ವರ್ಗಸದೃಶ ! ಸುಂದರ ! ಅರ್ಥಪೂರ್ಣ ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
