ಸೆರೆ ಕುಡಿದು ಪರಿಣಾಮವರಿಯಬೇಕೇನು !?
ಅರಿತರಾಗದೆ ಕಂಡು ಕೇಳಿ ಆ ಹದನು !?
ಗುರಿಯನರಿಯದೆ ಲೋಗರೆದ್ದೆದ್ದು ಬಿದ್ದುದನು
ಅರಿತರಾಯ್ತದೆ ದಾರಿ ಜಾಣಮೂರ್ಖ //
ಬದುಕಿನಲ್ಲಿ ಎಲ್ಲವನ್ನೂ ಅನುಭವಿಸಿಯೇ ಕಲಿಯಬೇಕಿಲ್ಲ ! ನೋಡಿಯೂ ಪಾಠ ಕಲಿಯಬಹುದು. ಆದರೆ ಕಲಿಯುತ್ತಿಲ್ಲ ಅಷ್ಟೆ.ಕುಡಿತದ ಮತ್ತೆ ಮದ್ಯಪಾನದ ದುಷ್ಪರಿಣಾಮಗಳನ್ನು ಕುಡಿದು ಅನುಭವಿಸಿಯೇ ತಿಳಿಯಬೇಕಾದ ಅಗತ್ಯವಿಲ್ಲ ! ಅದರಿಂದ ಅನ್ಯರು ಹಾನಿಗೊಳಗಾಗಿರುವುದನ್ನು ಕಂಡೂ ಸಹ ತಿಳಿಯಬಹುದು. ಅಲ್ಲವೇ !? ಬದುಕಿನ ಗುರಿಯನರಿಯದೆ ಅನ್ಯರು ಪಡುತ್ತಿರುವ ಪಾಡನ್ನು ಸೂಕ್ಷ್ಮವಾಗಿ ಗಮನಿಸಿದರೆ ಸಾಕು ! ಅದೇ ನಮ್ಮ ಬದುಕನ್ನು ಕಟ್ಟಿಕೊಳ್ಳಲು ಒಂದು ಸುಂದರ ಹಾದಿಯಾಗುತ್ತದೆ. ಅವರು ಗೈದ ತಪ್ಪನ್ನು ನಾವೂ ಸಹ ಮಾಡಿಯೇ ತಿಳಿಯಬೇಕೇನು !? ಏನಿಲ್ಲವಲ್ಲ !? ಒಳಿತಾದುದನ್ನು ಅನುಭವದಿಂದ ಕಲಿಯಲು ಇಚ್ಛಿಸದ ಈ ಮನಸ್ಸು ಕೆಟ್ಟದ್ದನ್ನು ಬಹುಬೇಗ ಸ್ವೀಕರಿಸುತ್ತದೆ ಅಷ್ಟೇ ಅಲ್ಲ ತಾನು ಗೈದುದೇ ಸರಿ ಅಂತ ಸಮರ್ಥಿಸಿಕೊಳ್ಳುತ್ತದೆ ! ವಿತಂಡವಾದ ಮಾಡುತ್ತದೆ ! ಎಂತಹಾ ವಿಪರ್ಯಾಸವಲ್ಲವೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
