ಸೃಷ್ಟಿಯೊಳಗುಂಟೆ ಸಟೆ ಕಪಟ ಠಕ್ಕುಗಳೇಂ !
ವ್ಯಷ್ಟಿಯೋ ಸಮಷ್ಟಿಯೊ ಒಳಹೊಕ್ಕು ನೋಡು
ಕಷ್ಟವಾವುದೊ ತೂರು ಸಾಜದೊಳಗಿದ್ದುಬಿಡು
ಇಷ್ಟದೊಳು ಬಾಳೇಳು ಜಾಣಮೂರ್ಖ //
ಈ ಸೃಷ್ಟಿಯಲ್ಲಿ ಸುಳ್ಳು , ಮೋಸವೆಂಬುದೇ ಇಲ್ಲ. ನಾವೆಷ್ಟು ನಿಷ್ಠರಾಗಿರುತ್ತೇವೋ ಪ್ರಕೃತಿಯೂ ಅಷ್ಟೇ ಪ್ರಾಮಾಣಿಕ ! ಇದರಲ್ಲಿ ಎರಡು ಮಾತಿಲ್ಲ ! ಈ ಸೃಷ್ಟಿಯಲ್ಲಿ ಕಪಟ , ಮೋಸ ಎಂದು ಕಂಡು ಬಂದದ್ದನ್ನು ಬಿಟ್ಟುಬಿಡಬೇಕು ! ತೂರಿಬಿಡಬೇಕು. ಸಹಜವಾಗಿ ಬದುಕಬೇಕು. ಪ್ರಕೃತಿ ಎಷ್ಟು ಸಹಜವಾಗಿದೆಯೋ ಅಷ್ಟು ಸಹಜವಾಗಿ ! ಚಿಕ್ಕದಾಗಿಯೋ ! ಬೃಹತ್ತಾಗಿಯೋ ! ಪ್ರಕೃತಿಯನ್ನು ನೋಡಿದಾಗ ಲವಲೇಶ ಮಾತ್ರವೂ ಕಪಟವಿಲ್ಲ ! ಭೂ ತಾಯಿಯನ್ನು ನಂಬಿ ಕೆಟ್ಟವರಾರಿದ್ದಾರೆ ! ಪ್ರಕೃತಿಯ ಮಡಿಲಲ್ಲಿ ನಂಬಿ ಬದುಕಿದವರ ಬದುಕು ಸುಂದರ ! ಪ್ರಕೃತಿಯೇ ಹೀಗೆ. ಅಲ್ಲವೇ ಗೆಳೆಯರೇ.
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021