ನಿನ್ನದೇನೀ ನೆಲವು ನಿನ್ನದೇನೀ ಜಲವು
ನಿನ್ನದೇನೀ ಬಿಸಿಲು ನಿನ್ನದೇ ಸತ್ತ್ವ ?
ನಿನ್ನದೇನೀ ಹೂವು ಸೌಗಂಧಮೆಂತ ಬಗೆ
ನಿನ್ನದೇನಿಹುದೇನಿಲ್ಲಿ ಜಾಣಮೂರ್ಖ //
ಸ್ನೇಹಿತರೇ ನನ್ನದು , ನನ್ನದು ಅಂತ ಹೊಡೆದಾಡುವ ಈ ನೆಲ ನಮ್ಮದಲ್ಲ ! ಈ ಜಲ ನಮ್ಮದಲ್ಲ ! ಸೂರ್ಯನ ಬಿಸಿಲು ! ಈ ಭೂಮಿಯೊಳಗಿನ ಸತ್ತ್ವ ಇದ್ಯಾವುದೂ ನಮ್ಮದಲ್ಲ ! ಇದೆಲ್ಲಾ ಭಗವಂತ ಕೊಟ್ಟಿರೊ ಸುಂದರ ಕೊಡುಗೆಗಳಷ್ಟೆ. ಇವುಗಳನ್ನಲ್ಲಾ ಉಪಯೋಗಿಸಿಕೊಂಡು ಒಂದು ಗಿಡ ಬೆಳೆದು ಹೂ ಬಿಡುತ್ತದೆ ಎಂದಿಟ್ಟುಕೊಳ್ಳೋಣ. ಆ ಹೂವು , ಅದರ ಸೌಂದರ್ಯ ಮತ್ತದರ ಪರಿಮಳ ಇವಾವುವೂ ನಮ್ಮದಲ್ಲ. ಆ ಹೂವು ನಮ್ಮದಂತೂ ಅಲ್ಲವೇ ಅಲ್ಲ ! ಆದರೂ ನಾನು ಬೆಳಸಿದ ಗಿಡ ಎನ್ನುತ್ತೇವೆ. ಆ ಹೂವಿನ ಮೇಲೆ ನಮ್ಮದೇ ಅಧಿಕಾರ ಎಂಬ ಭ್ರಮೆಯೊಳಾಡುತ್ತೇವೆ ! ಇದು ಭ್ರಮೆಯಲ್ಲದೇ ಮತ್ತೇನು ? ಇದನ್ನು ಬಿಟ್ಟು ಹೊರಗೆ ಬರೋಣ. ಇಲ್ಲಿ ನಮ್ಮದೆನ್ನುವುದು ಏನೂ ಇಲ್ಲ. ಅಷ್ಟೇ ಏಕೆ ಈ ಶರೀರವೇ ನಮ್ಮ ಜೊತೆ ಎಷ್ಟು ದಿನ ಇರುತ್ತೆ ಅನ್ನೋ ಖಾತ್ರಿ ಇಲ್ಲ ! ಮತ್ತೇಕೆ ಈ ಭ್ರಮಾಧೀನವಾದ ಬದುಕು !! ಅಲ್ಲವೇ ಗೆಳೆಯರೇ ?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
