ಬೆಳಕೆ ಬೆಳಕಿಗೆ ಸಾಟಿ ಅರಿವಿಂಗೆ ಅರಿವಯ್ಯ !
ತೊಳಗಿ ಬೆಳಗಲುಮುಂಟೆ ಮುಳುಗದಿರೆ ಬಾಳು !
ಮುಳುಗೇಳು ತಿಳುವಿನಾ ತಳಕಿಳಿದು ತಡಕಾಡು
ಕಳೆದುದಿಹುದಲ್ಲಿ ಕಾಣ್ ಜಾಣಮೂರ್ಖ//
ಬೆಳಕಿಗೆ ಬೆಳಕೇ ಸಾಟಿ ! ಅರಿವಿಗೆ ಅರಿವೇ ಸಾಟಿ ! ಅಬ್ಬಾ ! ಎಂತಹಾ ದೈವಸೃಷ್ಟಿ !! ಇದರೊಟ್ಟಿಗೆ ಈ ಬಾಳು , ಬದುಕು ! ಏನಿದರ ಉದ್ದೇಶ ? ಏನಿದರ ಗುಟ್ಟು ? ಎಲ್ಲಿಂದ ಬಂದೆವು ? ಹೊರಟುದಾದರೂ ಎಲ್ಲಿಗೆ ? ಬರೀ ಪ್ರಶ್ನೆಗಳೇ!! ಈ ಪ್ರಶ್ನೆಗಳಿಗೆಲ್ಲಾ ಉತ್ತರ ಬೇಕೆಂದರೆ ಈ ಬದುಕಲ್ಲಿ ಮುಳುಗಬೇಕು , ಅನುಭವಿಸಬೇಕು , ತಿಳುವಿನ ತಳಕ್ಕಿಳಿದು ತಡಕಾಡಬೇಕು. ಆಗ ಸೀಗುತ್ತೆ ನೋಡಿ ನಾವು ಕಳೆದುಕೊಂಡು ಹುಡುಕುತ್ತಾ ಇರೋದು. ಆದ್ರೆ ಏನು ಹುಡುಕುತ್ತಿದ್ದೇವೆಂಬ ಅರಿವು ನಮಗಿರಬೇಕಷ್ಟೆ. ಇಲ್ಲದಿದ್ದರೆ ಕುರುಡರಿಗೆ ಆನೆಯ ಮೈದಡವಿ ಹೇಗಿದೆ ಅಂತ ಹೇಳಿ ಎಂದಂತಾಗುತ್ತದಷ್ಟೆ ! ಏನನ್ನು ಹುಡುಕಬೇಕು ಅಂತ ನೀವೇ ನಿರ್ಧರಿಸಿ ಗೆಳೆಯರೇ ! ಏಕೆಂದರೆ ಅವರವರ ಬದುಕಿನ ಅನ್ವೇಷಕರು ಅವರವರೇ ಅಲ್ಲವೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
