ಮುಖವಾಡವಿಲ್ಲ!
ಕ್ರತಕತೆಯ ಸುಳಿವಿಲ್ಲ
ಹೊಗಳುವವರ, ತೆಗಳುವವರ ಪರಾಮರಿಕೆಯಿಲ್ಲ
ಸಮಾನಸ್ಕರ ಒತ್ತಡವಿಲ್ಲ
ಮುಖವಾಡವಿಲ್ಲ!
ಮದುಮಗಳಂತೆ ಸಿಂಗರಿಸಿ
ಚಿಗುರೊಡೆದು
ಮೊಗ್ಗು, ಹೂವರಳಿಸಿ
ವಸಂತನ ಸ್ವಾಗತಿಸುತ್ತ!
ಕಾಯಿ, ಹಣ್ಣು ಬೆಳೆಸಿ
ಪ್ರಾಣಿ, ಪಕ್ಷಿ ಸಂಕುಲಕೆ ತಿನಿಸಿ
ಮುಂದಿನ ಜನಾಂಗಕ್ಕೆ ಪಂಚಾಗವಿಟ್ಟು
ಗ್ರೀಷ್ಮನ ಸ್ವಾಗತಿಸುತ್ತ!
ಹಿಂಜರಿಕೆಯಿಲ್ಲ, ಸಂದಿಗ್ಧತೆಯಿಲ್ಲ
ಮುಖವಾಡವಿಲ್ಲ!
ಮಳೆಯ ಹೊಡೆತ
ಗಾಳಿಯ ಆರ್ಭಟೆ
ಸಿಡಿಲು, ಗುಡುಗುಗಳಿಂದ
ವರ್ಷನ ಸ್ವಾಗತಿಸುತ್ತ!
ತನ್ನ ಅಂಟಿ ಬೆಳೆದ
ಎಲೆಯ ಸಂಬಂಧವನ್ನೇ ಕಳೆದುಕೊಂಡು
ಕಷ್ಟ ಸಂಕೋಲೆಗೆ ತಯಾರಾಗಿ
ಶರಧನ ಸ್ವಾಗತಿಸುತ್ತ!
ಬದಲಾವಣೆಯ ಹೆದರಿಕೆಯಿಲ್ಲ
ಮುಖವಾಡವಿಲ್ಲ!
ರಾಮಮೂರ್ತಿ ಮಕ್ಕಿತ್ತಾಯ ಅವರು ಮೂಲತಃ ಉಡುಪಿ ಜಿಲ್ಲೆಯ ಬಾಳೆಕುದ್ರು ಗ್ರಾಮದವರು. ವೃತ್ತಿಯಲ್ಲಿ ಕಂಪ್ಯೂಟರ್ ಇಂಜಿನಿಯರ್ ಆಗಿರುವ ಇವರು ಹವ್ಯಾಸೀ ಬರಹಗಾರರು. ‘ಮೇಘ ಮಂಥನ ’ ಪುಸ್ತಕದ ಲೇಖಕರು. ಟ್ರೆಕ್ಕಿಂಗ್ ಮತ್ತು ವ್ಯಂಗ್ಯ ಚಿತ್ರ ಬಿಡಿಸುವುದು ಇವರ ಇತರ ಹವ್ಯಾಸಗಳು.
Latest posts by rmakkithaya (see all)
- ಸ್ಪೂರ್ತಿ! - July 12, 2021
- ಛಲ! - May 9, 2021
- ಮೊಗ್ಗಾಗುವ ಆಸೆ! - April 11, 2021
