ಕಣ್ಮುಚ್ಚಿ ಜಗವ ನಾ ನೊಳ್ಪೆನೆನ್ನಲುಮಳವೆ ?
ಕಣ್ಮುಚ್ಚಿ ಕತ್ತಲೆನೆ ದೈವ ತಾ ಹೊಣೆಯೆ ?
ಕಣ್ಣತೆರೆ ಜಗಕೆಲ್ಲ ಕಣ್ಣಾಗಿ ಕಾಯ್ದರಿಹ
ರಣ್ಣ ಕಣ್ತೆರೆಯೇಳೊ ಜಾಣಮೂರ್ಖ//
ಕಣ್ಮುಚ್ಚಿಕೊಂಡು ಜಗತ್ತನ್ನು ನೋಡುತ್ತೇನೆ ಎನ್ನುವ ಹುಂಬತನವೇಕೆ !? ಅದು ಸಾಧ್ಯವೇ ? ಕಣ್ಣನ್ನು ಮುಚ್ಚಿಕೊಂಡು ಜಗತ್ತಿನಲ್ಲಿ ಏನೂ ಸಾರವೇ ಇಲ್ಲ ! ಸುತ್ತಲೂ ಅಂಧಕಾರವಿದೆ ! ಎಂದರೆ ಅದಕ್ಕೆ ದೈವ ಹೊಣೆಯೇ !? ನೋಡಲು ಕಣ್ಣು ಕೊಟ್ಟ ಮೇಲೆ ನೋಡುವುದು ನಮ್ಮ ಕೆಲಸ. ನೋಡಬೇಕು ! ಈ ಅದ್ಭುತ ಜಗತ್ತನ್ನು ನೋಡಿ ಆನಂದಿಸಬೇಕು! ತಮ್ಮ ಅರಿವಿನ ಕಣ್ಣನ್ನು ತೆರೆದು ಜಗತ್ತಿಗೆ ದಾರಿ ತೋರಿದ ದಾಸರು , ಶರಣರು, ಸಂತರು ಮಹಾನುಭಾವರು ಹಲವರಿದ್ದಾರೆ ಇಲ್ಲಿ . ಅಂತಹವರನ್ನು ಆದರ್ಶವಾಗಿಟ್ಟುಕೊಂಡು ಕಣ್ತೆರೆದು ಬದುಕಬೇಕು. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
