ಮೆಳೆಯ ಮುಳ್ಪೊರೆದು ಹೂ ಧನ್ಯೆ ತಾನಾಗಿ ಮಿಗೆ
ಕಳಕಳಿಸಿ ಜಗವನ್ನೆ ಸಗ್ಗವಾಗಿಪಳೈ
ಮೆಳೆಮುಳ್ಳು ಹೂವೆಲ್ಲ ತಮ್ಮ ಕರ್ಮದೊಳಿರಲು
ಇಳೆ ಧನ್ಯಳೈ ನಮಿಸೊ ಜಾಣಮೂರ್ಖ //
ಒಂದು ಮುಳ್ಳ ಮೆಳೆ, ಅದರ ಮಧ್ಯೆ ಒಂದು ಸುಂದರವಾದ ಹೂವು ! ಸುಗಂಧವನ್ನು ಚಲ್ಲುತ್ತಿದೆ, ಯಾರೂ ಹೂವನ್ನು ಮುಟ್ಟಲಾರದಷ್ಟು ಮುಳ್ಳಿದೆ. ಮುಳ್ಳು ಹೂವನ್ನು ರಕ್ಷಿಸುತ್ತಿದೆ ! ಹೂವು ಜಗತ್ತನ್ನೇ ಸ್ವರ್ಗವಾಗಿಸುತ್ತಿದೆ. ಅವರವರಿಗೆ ಅವರವರದ್ದೇ ಆದ ಕೆಲಸಗಳು. ನಿಶ್ಶಬ್ದವಾಗಿ ಕರ್ಮವೆಸಗುತ್ತಿವೆ ! ಸದ್ದು ಮಾಡದೆ ಬದುಕಲ್ಲಿ ಗೆದ್ದಿವೆ ! ನಾವು ಸಿಕ್ಕಾಪಟ್ಟೆ ಸದ್ದು ಮಾಡಿ ಸೋತಿದ್ದೇವೆ ! ಬದುಕಿನ ಆಂತರ್ಯದಲ್ಲಿ ಸೇರಿ ದಿವ್ಯ , ಭವ್ಯ ಸಂದೇಶವನ್ನು ಎಡೆಬಿಡದೆ ಸಾರುತ್ತಿರುವ ಈ ಇಳೆಯಮ್ಮ , ಭೂತಾಯಿ ಧನ್ಯಳು ಕಣಯ್ಯ ಗೆಳೆಯ. ತಾಯ್ಮಡಿಲ ಮಕ್ಕಳಾಗಿ ಈ ಸಂದೇಶಗಳನ್ನರಿತು , ಗ್ರಹಿಸಿ ನಡೆಯಬೇಕಾದದ್ದು ನಮ್ಮ ಕರ್ತವ್ಯ. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
