ಬುದ್ಧನ ಸಿದ್ಧಿ

ಎದ್ದನಾ ಸಿದ್ಧಾರ್ಥನೆದ್ದೆ ಬಿಟ್ಟನು ಬಾಳ ಸಿದ್ಧಿಯೊಳಗದ್ದಿದನು ಬುದ್ಧ ತಾನಾಗಿ
ಬುದ್ಧಿವಂತರು ಜಗದಿ ಎದ್ದಿರುವ ಬೆಮೆಯೊಳಗೆ
ಬಿದ್ದು ಬಳಲುವರಿಹದಿ ಜಾಣಮೂರ್ಖ //

ಅಬ್ಬಾ ! ಅಂದು ಒಂದೇ ಮನಸ್ಸಿನಿಂತ ಸುಂದರಳೂ , ಪತಿವ್ರತೆಯೂ ಆದ ತನ್ನ ಹೆಂಡತಿ ಯಶೋಧರೆ , ಮಗು ರಾಹುಲ , ತಂದೆತಾಯಿಗಳನ್ನು ಬಿಟ್ಟು ಕಾಡಿಗೆ ನಡೆದೇ ಬಿಟ್ಟ ಸಿದ್ಧಾರ್ಥ ! ಜಗಕ್ಕೆ ಶಾಂತಿಯ ಮಾರ್ಗವನ್ನು ತೋರಿಸಲೋಸುಗ ! ಬದುಕಿನಲ್ಲಿ ಸಿದ್ಧಪುರುಷನಾಗಿ ಸಿದ್ಧಿಯ ಮೇರುವಾಗಿಬಿಟ್ಟ ! ಬುದ್ಧನಾಗಿಬಿಟ್ಟ ! ಆದರೆ ಇಂದು ಕ್ಷಣಿಕವಾದ ಲೌಕಿಕ ಸಂಪತ್ತಿನ ಜೊತೆ ಮೋಜಿನ ಜೀವನ ನಡೆಸೋದನ್ನೇ ಸಿದ್ಧಿ ಎಂಬ ಭ್ರಮೆಯಲ್ಲಿ ಜನ ಬಹಳ ಬುದ್ಧಿವಂತರಾಗ ಹೊರಟಿರುವುದು ಬಹು ದುರದೃಷ್ಟಕರ ಸಂಗತಿ ! ಅವರ ದೃಷ್ಟಿಯಲ್ಲಿ ಬುದ್ಧನೊಬ್ಬ ದಡ್ಡ !!! ಬುದ್ಧಿವಂತರಾಗೋದಕ್ಕೆ ಅಡ್ಡಿಯಿಲ್ಲ ! ಆದರೆ ಆ ಭರದಲ್ಲಿ ಮನುಷ್ಯತ್ವವನ್ನೇ ಬಿಟ್ಟು ಬದುಕುವ ಹೀನ ಪ್ರವೃತ್ತಿಗಳು ತೋರುತ್ತಿರುವುದು ದುರದೃಷ್ಟಕರ ! ನಾವೆಲ್ಲಿ ಬಿದ್ದಿದ್ದೇವೆ ಎನ್ನುವುದು ಅವರಿಗೆ ಗೊತ್ತಾಗೋದೇ ಇಲ್ಲ ! ಅಷ್ಟು ಅಂಧಕಾರ ತುಂಬಿರುತ್ತೆ ! ಒಂದು ತರಹೆಯ ಭ್ರಮೆಯಲ್ಲಿಯೇ ತಮ್ಮ ಬದುಕನ್ನು ಅವರು ಕಳೆದು ಬಿಡುತ್ತಾರೆ. ಗುರುಗಳು ಎಚ್ಚರಿಕೆ ನೀಡಿದರೂ ಸಹ ಎಚ್ಚೆತ್ತುಕೊಳ್ಳದಿದ್ದರೆ ಅದಕ್ಕೆ ಹೊಣೆ ಯಾರು !? ಅಲ್ಲವೇ ಗೆಳೆಯರೇ ?

Author
Recent Posts

ಶ್ರೀ ಮುರಳೀಧರ ಹೆಚ್ ಆರ್

ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.

Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)