ತೂಕು ತೊಟ್ಟಿಲ ಗೂಡೊಳಾಡುವಾ ಹಕ್ಕಿಗಿಂ
ಸಾಕು ಹಕ್ಕಿಯ ಹಿಗ್ಗು ಮಿಗಿಲೇನು ಹೇಳು !
ಸಾಕಿದರೆ ಪೋಗಲೇಳ್ಕೊಲ್ಲುವುದು ತರವೇನು?
ನೂಕಾಚೆ ಕೃತ್ರಿಮವ ಜಾಣಮೂರ್ಖ //
ಎತ್ತರದ ಮರದಲ್ಲಿ ಉಯ್ಯಾಲೆಯಂತೆ ತೂಗಾಡುವ ಗೂಡಿನಲ್ಲಿ ಆಡುತ್ತಾ , ಕೆಲವೊಮ್ಮೆ ಯೋಗಿಯಂತೆ ಆಗಸದೆಡೆಗೆ ದಿಟ್ಟಿ ಬೀರುವ ಹಕ್ಕಿಯ ಆನಂದಕ್ಕೂ , ಪಂಜರದ ಪಕ್ಷಿಯ ಆನಂದಕ್ಕೂ ವ್ಯತ್ಯಾಸವಿಲ್ಲವೇನು !? ಸ್ವತಂತ್ರ ಹಕ್ಕಿ ಸ್ವತಂತ್ರ ಹಕ್ಕಿಯೇ , ಪಂಜರದ ಪಕ್ಷಿ ಪಂಜರದ ಪಕ್ಷಿಯೇ ! ಅದರ ಸಂತೋಷ ಅದರದ್ದು , ಇದರ ಸಂತೋಷ ಇದರದ್ದು. ಸಾಕಿದರೆ ಹೋಗಲಿ ಬಿಡಿ, ಅದನ್ನು ಕೊಂದು ತಿನ್ನುವ ಮಾನವನ ಸಂತೋಷವು ಮಾತ್ರ ಎಂತಹಾ ಹೀನಾಯವಲ್ಲವೇ ? ಇಂತಹಾ ಕೃತ್ರಿಮವಾದರೂ ಏಕೆ !? ನಾವು ಮನುಷ್ಯರು. ೮೪ ಲಕ್ಷ ಜಿವರಾಶಿಗಳಲ್ಲೆಲ್ಲಾ ಮಾನವ ಜನ್ಮವೇ ಬಹು ಶ್ರೇಷ್ಠವಾದದ್ದು ! ಇದನ್ನು ಸಾರ್ಥಕ ಪಡಿಸಿಕೊಳ್ಳಬೇಕು. ಇಂತಹಾ ಕೃತ್ರಿಮಗಳೆಲ್ಲಾ ಏಕೆ . ವಿವೇಕಿಗಳಾಗಿ, ದಯಾಪರರಾಗಿ ಈ ನಿಟ್ಟಿನಲ್ಲಿ ಚಿಂತಿಸದಿದ್ದರೆ ಹೇಗಯ್ಯಾ ಗೆಳೆಯಾ !? ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
