ಗಾಳಿಗ್ಯಾತರ ತಡೆಯೊ ಬೆಂಕಿಗ್ಯಾತರ ಬಿಸಿಯೊ
ಬಾಳಧಾಳಿಯೆ ಬುವಿಗೆ ನಮಗಷ್ಟೆ ಗೆಳೆಯ !
ತಾಳದೇಂ ಸುಳಿಯ ಜಲ ಶೂನ್ಯಕ್ಕೆ ಕೊನೆಯೇನು
ಬಾಳಿಗ್ಯಾತರ ಬವಣೆ ಜಾಣಮೂರ್ಖ//
ಪಂಚಭೂತಗಳ ದಿವ್ಯತೆಯ ಬಗ್ಗೆ ಯಾರಿಗೆ ಗೊತ್ತಿಲ್ಲ ಹೇಳಿ ! ಗಾಳಿಗೆ ತಡೆಯುಂಟೆ ?! ಬೆಂಕಿಯನ್ನು ಸುಡುವುದು ಯಾವುದಾದರೂ ಇದೆಯೇ !? ಭೂಮಿತಾಯಿಯ ಮೇಲೆ ಬದುಕಿನ ಧಾಳಿಯೇ !? ಅದರ ಧಾಳಿಗೆ ತುತ್ತಾಗಿರುವವರು ನಾವು ಮಾತ್ರ ! ನೀರಿಗೆ ಸುಳಿಯ ಭಯವೇನು !? ಆಕಾಶಕ್ಕೆ ಕೊನೆಯೆಂಬುದಿದೆಯೇನು !? ಆದರೆ ಈ ಪಂಚಭೂತಗಳಿಂದಾದವನೇ ತಾನು ಎಂದು ಅರಿತ ಜ್ಞಾನಿಗೆ ಈ ಬಾಳ ಬವಣೆಗಳೊಂದು ಲೆಕ್ಕವೇ !? ಬದುಕು ಅಷ್ಟೆ ! ಅದರೊಟ್ಟಿಗೆ ನಾನಿದ್ದೇನೆ ! ಅದರೊಟ್ಟಿಗೆ ಸಾಗುತ್ತಿದ್ದೇನೆ ಅಷ್ಟೆ. ಮತ್ತೇನೂ ಇಲ್ಲ. ಇನ್ನು ಬವಣೆ ! ಅದು ನಾನು ಮಾಡಿಕೊಂಡಿರೋದು ಅಷ್ಟೆ ! ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
