ಭ್ರಷ್ಠತ್ವ ಮೆರೆದು ಮಿಗೆ ಗಹಗಹಿಸುತಿದೆ ಜಗದಿ
ಶಿಷ್ಟತ್ವವಳಿದು ಬಲು ಧಾಳಿಗೈಯುತಿದೆ !
ಕಷ್ಟನಾಗದೆ ನಡೆದು ಶಿಷ್ಟರಂ ಪೊರೆಯೇಳು
ದ್ರಷ್ಟಾರ ನೀನಾಗ ಜಾಣಮೂರ್ಖ //
ಈ ಜಗತ್ತನ್ನು ನೋಡುತ್ತಾ ಇದ್ದೀರಲ್ಲಾ ! ಅದೇನು ಭ್ರಷ್ಠಾಚಾರ ! ಅದೇನು ಮೋಸ ಅಬ್ಬಬ್ಬಾ ! ಅದಂತೂ ಗಹಗಹಿಸಿ ನಗುತ್ತಲಿದೆ. ಶಿಷ್ಟಾಚಾರವೆಂಬುದು ಧೂಳಿಪಟವಾಗಿದೆ. ಭ್ರಷ್ಠತೆಯ ಕರಾಳ ಛಾಯೆಯಲ್ಲಿ ಮುಚ್ಚಿ ಹೋಗಿದೆ. ಆದರೆ ಇಂತಹಾ ಪರಿಸ್ಥಿತಿಯಲ್ಲೂ ಜೀವರಾಶಿಗಳಲ್ಲೇ ಅತ್ಯಂತ ಶ್ರೇಷ್ಠರೆನಿಸಿದ ನಾವು ಜಗತ್ತಿಗೆ ಮಾರಕರಾಗಬಾರದು. ಜಗತ್ತನ್ನು ಸರಿದಾರಿಯಲ್ಲಿ ನಡೆಸಲು ಮಾರ್ಗದರ್ಶಕರಾಗಬೇಕು. ವಿವೇಕಿಗಳಾಗಿ ಶಿಷ್ಟರನ್ನು ಪೊರೆಯಬೇಕು. ಆಗ ಇಲ್ಲಿ ನೀನೇ ಶ್ರೇಷ್ಠ ಕಣಯ್ಯ ! ಈ ಜಗತ್ತಿನಲ್ಲಿ ಇಂತಹಾ ಜೀವನಕ್ಕಿಂತ ಇನ್ನೇನು ಬೇಕು !? ಸ್ನೇಹಿತರೇ ಮಹಾತ್ಮಾ ಗಾಂಧೀಜಿಯವರು ಒಂದು ಮಾತು ಹೇಳಿದ್ದಾರೆ. ಅದೇನೆಂದರೆ ” ನಮ್ಮ ಕಣ್ಣಮುಂದೆ ನಡೆಯೋ ಅನ್ಯಾಯವನ್ನು , ತಡೆಯದೇ, ಪ್ರತಿಭಟಿಸದೇ ಸುಮ್ಮನಿದ್ದರೆ ನಾವೇ ಆ ಅನ್ಯಾಯವನ್ನು ಮಾಡಿದಂತೆಯೇ ಸರಿ ” ಅಲ್ಲವೇ ಗೆಳೆಯರೇ !
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
