ಬಂಗಾರವಿದೆಯೆಂದು ಹೊರುವುದೇನನವರತ ?
ಸಿಂಗಾರವೆನ್ನುತಲಿ ದಿನವ ಕಳೆಯುವುದೆ !?
ದಂಗಾಗಿ ಮೂಗನಂತೇಕೆ ಭಾರದ ಪಯಣ !?
ಭಂಗ ಬಿಡು ಹಗುರಾಗೊ ಜಾಣಮೂರ್ಖ //
ಈಗ ನೀವೇ ನೋಡಿ ನಾವು ಪ್ರತಿದಿನ ಪ್ರತಿಕ್ಷಣ ಹೇಗೆ ಭಂಗ ಪಡುತ್ತಿದ್ದೇವೆಂದು. ಬಂಗಾರ ಎಷ್ಟಿದ್ದರೂ ಸಾಲದು. ಹಾಗಂತ ಯಾವಾಗಲೂ ಅದನ್ನು ಹೊತ್ತು ಜೀವಿಸಲಾದೀತೆ !? ಸಿಂಗಾರ ಮಾಡಿಕೊಳ್ಳೋದರಲ್ಲೇ ದಿನಗಳೆಯಲಾದೀತೆ !? ಈ ಪ್ರಪಂಚದ ವೈಭವವನ್ನು ಕಂಡು ದಂಗಾಗಿ , ಮೂಕವಾಗಿ ಅದರ ಬಗ್ಗೆ ಚಿಂತೆಗಯ್ಯುತ್ತಲೇ ಜೀವನದ ಪಯಣವನ್ನು ಭಾರಗೊಳಿಸುವುದೇಕೆ !? ನಿರೀಕ್ಷೆ , ನಿರಾಶೆ , ವ್ಯಸನಗಳನ್ನು ಬಿಟ್ಟು ಬಿಡಯ್ಯಾ ಗೆಳೆಯಾ. ಏಕೆಂದರೆ ಇದಾವುದೂ ನಮ್ಮ ಜೊತೆ ಬರೋದಿಲ್ಲ. ಎಲ್ಲವೂ ಕ್ಷಣಿಕವಷ್ಟೆ ! ಈ ಭಂಗ ತೊರೆದು ಹಗುರಾಗಯ್ಯ ಗೆಳೆಯಾ !
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
