ಜೀಕು ಜೋಕಾಲಿಯೊಳು ಸಂತಸಂಬಡು ಕೆಳೆಯ
ಸಾಕು ಜೀಕುವ ಭರದಿ ಬಿದ್ದೀಯೆ ಜೋಕೆ !
ಜೀಕುವುದು ಜೋಕಾಲಿ ಎತ್ತರೆತ್ತರಕೇನು
ಬೀಕಲೊಳು ಬರಿಗಾಯ ಜಾಣಮೂರ್ಖ //
ಓ , ಗೆಳೆಯಾ ಜೀಕಯ್ಯಾ ಈ ಜೀವನ ಜೋಕಾಲಿಯಲ್ಲಿ ! ಜೀಕು, ಸಂತೋಷವಾಗಿರು. ಆದರೆ ಮೈಮರೆಯಬೇಡಯ್ಯಾ ಎಚ್ಚರವಾಗಿರು. ತುಂಬಾ ಜೀಕಿ ,ತಲೆತಿರುಗಿ ಬಿದ್ದೀಯೆ ಜೋಕೆ ! ಜೋಕಾಲಿಗೇನಂತೆ ಎಷ್ಟು ಎತ್ತರಕ್ಕೆ ಜೀಕಿದರೂ ಅದಕ್ಕೇನೂ ನಷ್ಟವಿಲ್ಲ. ಮೆಲ್ಲಗೋ , ಭರದಲ್ಲೋ , ಮಧ್ಯಮಗತಿಯಲ್ಲೋ ಎಲ್ಲಾ ನಿನ್ನ ಮೇಲೇ ಅವಲಂಬಿಸಿದೆಕಣಯ್ಯಾ ಗೆಳೆಯ. ಆದರೆ ಜೋರಾಗಿ ಜೀಕಿದರೆ ಕೊನೆಯಲ್ಲಿ ಉಳಿಯೋದು ಗಾಯ ಮಾತ್ರ ! ಇಂತಹಾ ಪ್ರಮಾದವೇಕೆ ! ಎಚ್ಚರಿಕೆಯಿಂದ ಜೀಕಯ್ಯ. ಬದುಕೇ ಹೀಗೆ. ಉತ್ಸಾಹ ಇಮ್ಮಡಿಯಾದರೆ ಅತಿಯಾದರೆ, ಮಿತಿಮೀರಿದರೆ ಅದರಿಂದ ದುಃಖ ತಾನೆ !
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
