ಹೊಟ್ಟುತುಂಬಿದೆಯೆಂದು ಭತ್ತವನು ಬಿಸುಡುವರೆ?
ಸೊಟ್ಟಗಿಹುದೆಂದು ಸಿಹಿ ಕಬ್ಬನೆಸೆಯುವರೆ ?
ಗಟ್ಟಿ ಮುಳ್ಳಿಹುದೆಂದು ಹೂವ ಮುಡಿವುದ ಬಿಡರು
ಬಿಟ್ಟು ನೋವ್ಪಿಡಿ ಸುಖವ ಜಾಣಮೂರ್ಖ//
ಹೊಟ್ಟಿನಿಂದ ಸುತ್ತುವರಿಯಲ್ಪಟ್ಟಿದೆ ಅಂತ ಯಾರಾದ್ರೂ ಭತ್ತವನ್ನು ಬಿಸಾಡುವರೇನು ? ಅಂಕುಡೊಂಕಾಗಿದೆ ಅಂತ ಕಬ್ಬನ್ನು ಎಸೆಯುವರೇನು ? ಹೂವಿನ ಗಿಡದಲ್ಲಿ ಗಟ್ಟಿಯಾದ , ಚೂಪಾದ ಮುಳ್ಳಿದ್ದರೂ ಜಾಗರೂಕತೆಯಿಂದ ಕಿತ್ತು ಹೂಮುಡಿಯುವುದನ್ನು ಮಾತ್ರ ಬಿಡರು. ಅಂದರೆ ಇವುಗಳೆಲ್ಲದರ ಅಂತರಾರ್ಥ ಏನೆಂದರೆ ಯಾವುದು ನೋವೋ ಅದನ್ನು ಬಿಡಿ. ಯಾವುದು ಸಂತೋಷದಾಯಕವೋ ಅದನ್ನು ಹಿಡಿಯಿರಿ. ಕೆಟ್ಟದ್ದನ್ನು ಬಿಡಿ , ಒಳಿತನ್ನು ಹಿಡಿಯಿರಿ. ಬದುಕನ್ನು ಸಂತಸಮಯವಾಗಿಸಿ . ಬದುಕು ಸಂಕೇತಗಳ ಮೂಲಕ ಎಲ್ಲ ಪರಿಹಾರವನ್ನೂ ಹೇಳುತ್ತದೆ.ಆದರೆ ನಾವು ನಿಧಾನವಾಗಿ ಯೋಚಿಸೋ ವ್ಯವಧಾನ ಕಳೆದುಕೊಂಡಿದೀವಿ ಅಷ್ಟೆ. ಅಲ್ಲವೇ ಗೆಳೆಯರೇ ?!
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
