ಮರಳಿ ಸೀತೆಯ ಬನಕೆ ಕಳಿಸಿದುದು ತರವೇನು?
ಮರೆಯೊಳಗೆ ವಾಲಿ ವಧೆ ತರವೆ ಪೇಳು?
ತರತರದಿ ರಾಮನನು ಒರೆವೆಯೇತಕೆ ಮರುಳೆ?
ಒರೆ ನಿನ್ನ ಮನ ಮೊದಲು ಜಾಣಮೂರ್ಖ//
ಬಹುಶಃ ಶ್ರೇಷ್ಠವಾದ ಈ ಜ್ಞಾನಸಿರಿಯನ್ನು , ಚಿಂತಿಸುವ ಶಕ್ತಿಯನ್ನು ಭಗವಂತ ಮಾನವನಿಗೆ ಕೊಟ್ಟಿದ್ದೇ ತಪ್ಪಾಯಿತೇನೋ!! ಸೀತಾ ಮಾತೆಯನ್ನು ರಾವಣನಿಂದ ಮರಳಿ ತಂದಮೇಲೂ ತುಂಬು ಗರ್ಭಿಣಿಯನ್ನು ಮತ್ತೆ ಕಾಡಿಗೆ ಕಳಿಸಿದುದು ತರವೇನು ? ಮರೆಯಲ್ಲಿ ನಿಂತು ವಾಲಿಯ ವಧೆ ಮಾಡಿದುದು ಸರಿಯೇನು ? ಈ ರೀತಿಯೆಲ್ಲಾ ಶ್ರೀರಾಮನನ್ನು ವಿಮರ್ಶಿಸುವ ನಾವು ಮೂರ್ಖರಲ್ಲವೇ ? ಶ್ರೀರಾಮನನ್ನು ವಿಮರ್ಶಿಸುವ ದುಸ್ಸಾಹಸವೇ !? ನಮ್ಮ ಮನಸ್ಸನ್ನೇ ವಿಮರ್ಶಿಸಿಕೊಳ್ಳಲಾಗದ ನಾವು ಶ್ರೀರಾಮನನ್ನು ವಿಮರ್ಶಿಸುವುದು ಸರಿಯೇ ? ಆ ಧರ್ಮಸೂಕ್ಷ್ಮಗಳ ಎತ್ತರಕ್ಕೆ ಏರುವುದು ನಮ್ಮಿಂದ ಸಾಧ್ಯವೇನು ? ಸರಿಯಾಗಿ ತಿಳಿಯದೇ ವಿಮರ್ಶಿಸುವ ಇಂತಹಾ ದುಸ್ಸಾಹಸ ಬಿಟ್ಟು ಶ್ರೀರಾಮನ ಆ ಕೆಲಸಗಳ ಹಿಂದಿರುವ ಧರ್ಮಸೂಕ್ಷ್ಮವನ್ನು ಅರಿತು ಶರಣಾಗುವುದೇ ಒಳಿತು ! ಅಲ್ಲವೇ ಗೆಳೆಯರೇ ?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
