ಭುವಿಯ ಭವಿ ತಾನೆ ತನಗಧಿಕಾರವಿಲ್ಲಿ ! ಅನು
ಭವಿಪ ಹಕ್ಕೆನದೆಂಬ ಅಂಧಕಾರದೊಳು
ಭುವಿಯೊಳಗೆ ಕಾದಿದರೊಂಟಿ ಬಿಟ್ಟರೊ ತಾಯ
ಭುವಿಯೊಳಗೆ ಒರಗಿಹರೊ ಜಾಣಮೂರ್ಖ //
ಈ ಭೂಮಿಯ ಮೇಲೆ ತಾನೆ ಎಲ್ಲ! ತನ್ನದೇ ಅಧಿಕಾರ ಅಂತೆಯೇ ಇಲ್ಲಿನ ವೈಭವದ ಬದುಕಿಗೆ ತಾನೊಬ್ಬನೇ ಬಾಧ್ಯಸ್ಥನೆಂಬಂತೆ ವರ್ತಿಸಿ ಅಂಧಕಾರದಿಂದ ಭೂಮಿಗಾಗಿ ಹೋರಾಡಿದವರು ! ಹೇಮಾಹೇಮಿಗಳು , ಸಾಮ್ರಾಟರು ಚಕ್ರವರ್ತಿಗಳಾದಿಯಾಗಿ ಎಲ್ಲರೂ ಈ ತಾಯಿಯನ್ನು ಒಂಟಿಯಾಗಿ ಬಿಟ್ಟು , ಭೂಮಿಯ ಆಳದಲ್ಲಿ ಒರಗಿದರು ! ಎಂತಹಾ ವಿಪರ್ಯಾಸವಲ್ಲವೇ ? ನಾಲ್ಕು ದಿನದ ಈ ಬಾಳಿನಲ್ಲಿ ಎಂತಹಾ ಮಾಯೆ ! ನಾವು ಶಾಶ್ವತರೇನು ? ಏಕಿಂತಹಾ ಹೋರಾಟ ! ವಿಚಿತ್ರವೆನಿಸುವುದಿಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
