ಕಣ್ಣು ಕಂಡಿಹುದೇನು ಹಿಂದಿರುವ ಬೆನ್ನ ತಾ
ಹುಣ್ಣಾಗೆ ಬೆನ್ನೊಳಗೆ ಕಣ್ಣಿನೊಳು ನೀರೊ !
ಕಣ್ಣಳತೆ ಮೀರಲೇನ್ ತಾಯ್ತಂದೆಗಳಿಗೆ ಮಗ
ಕಣ್ಣೀರ ಕರೆವರೈ ಜಾಣಮೂರ್ಖ //
ನಮ್ಮ ತಾಯ್ತಂದೆಗಳೇ ನಮ್ಮ ಬದುಕಲ್ಲಿ ನಿಜವಾದ ದೇವರುಗಳು. ಈ ಸತ್ಯವನ್ನು ನಾವು ಮರೆಯಬಾರದು. ಕಣ್ಣು ಬೆನ್ನನ್ನು ಕಾಣದು. ಆದರೆ ಬೆನ್ನೊಳಗೆ ಒಂದು ಸಣ್ಣ ಹುಣ್ಣಾದರೂ , ಅಥವಾ ಪೆಟ್ಟಾದರೂ ನೀರು ಬರುವುದು ಮಾತ್ರ ಕಣ್ಣಲ್ಲೇ ! ಅಲ್ಲವೇ ? ಹಾಗೆಯೇ ತಮ್ಮ ಪ್ರೀತಿಯ ಮಗ ತಮ್ಮ ಕಣ್ಣಳತೆಯಿಂದ ಸ್ವಲ್ಪ ದೂರವಾದರೂ ಸಹ ತಂದೆ ತಾಯಿಗಳ ಹೃದಯ ಅಯ್ಯೋ ! ಕಾಣನಲ್ಲಾ ನನ್ನ ಮಗ , ಎಲ್ಲಿ ಹೋದ ಇವನು ಅಂತ ಚಡಪಡಿಸುತ್ತದೆ. ನಾವು ದೂರದಲ್ಲಿದ್ದರೂ, ಕಾಣದಿದ್ದರೂ ಕಣ್ಣೀರು ಮಿಡಿವ ಏಕಮಾತ್ರ ದೇವತಾ ಸ್ವರೂಪರೆಂದರೆ ತಂದೆ ತಾಯಿಗಳು. ಇದರಲ್ಲಿ ಸಂದೇಹವೇ ಬೇಡ. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
