ಸಾಧನೆಯ ಗೈಯ್ಯಲೇನ್ ಸಂಸ್ಕಾರವಿಲ್ಲದಿರೆ ?
ಬೋಧನೆಯ ಸೋಗೇಕೆ ಹೃದಯವರಳದಿರೆ !
ಸಾಧಕಗೆ ಬೋಧನೆಯು ಭೂಷಣಮದಿಲ್ಲದಿರೆ
ಬೋಧೆ ಶವದಾಭರಣ ಜಾಣಮೂರ್ಖ //
ಸಂಸ್ಕಾರವಿಲ್ಲದ ಸಾಧನೆಯಿಂದೇನು ಪ್ರಯೋಜನ ? ಹೃದಯವರಳದೇ ಬೋಧಕನಂತೆ ಹೋದ ಮಾತ್ರಕ್ಕೆ ಅದು ಬೋಧನೆಯ ಸೋಗಷ್ಟೆ. ಬೋಧನೆಯ ಅಧಿಕಾರ ಸಾಧಕರಿಗೆ ಮಾತ್ರ. ಬೇರೆಲ್ಲವೂ ಬರೀ ಡಂಭ, ಅಹಂಕಾರ , ತೋರಿಕೆಯಷ್ಟೆ. ಅದು ಶವಕಿಕ್ಕಿದ ಆಭರಣದಂತೆ ವ್ಯರ್ಥವಷ್ಟೆ. ಅದೇನೋ ಅಂತಾರಲ್ಲ ಕತ್ತೆ ಬಲ್ಲದೆ ಹೇಳು ಕತ್ತುರಿಯ ಪರಿಮಳವ ! ಸತ್ತಶವವೇನರಿವುದಾಭರಣದಿರವ?
ಸುತ್ತಲೂ ಸತ್ತವರೆ ತುಂಬಿರಲು ಜಗದಲ್ಲಿ
ಸತ್ಯ ಶೋಧನೆಯೆಂತೊ ಜಾಣಮೂರ್ಖ// ಅಂದರೆ ಮದ,ಮತ್ಸರ, ಅಹಂಕಾರ,ಈರ್ಷೆಯಂತಹಾ ಶುಷ್ಕಗುಣಗಳಿರುವವನು , ಭಾವನೆಗಳಿರುವವನು ಸಾಧಕನೆಂತಾಗುತ್ತಾನೆ ? ಬೋದಕನೆಂತಾಗುತ್ತಾನೆ ? ಅದು ಕತ್ತೆಗೆ ಕಸ್ತೂರಿ ಕೊಟ್ಟಂತೆ ! ಸತ್ತ ಮೃತ ಶರೀರಕ್ಕೆ ಅಖಿಲಾಭರಣವಿಟ್ಟಂತೆ ಹೇಗೆ ಶೋಭಿಸುವುದಿಲ್ಲವೋ ಹಾಗೆ ಇಂತಹಾ ಡಾಂಭಿಕ ಸಾಧಕರಿಂದ ಸತ್ಯಶೋಧನೆಯೆಂತು !? ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
