ಸಂಸಾರ ಭಾರವಿಹು
ದೆನ್ನ ಮೇಲೆನ್ನುವಾ
ನುಡಿಯ ಬೆಡಗೇಕೆ ಬಿಡು
ಬಡಿವಾರವೇಕೆ ?
ನಿಸ್ವಾರ್ಥದೊಳು ನಿನ್ನ
ಭಾರ ಹೊತ್ತಿಹರಿಹರು !
ಬಸಿ ಬದುಕನವರಿಂಗೆ
ಜಾಣಮೂರ್ಖ//
ನಮ್ಮ ಜೀವನದಲ್ಲಿ ನಾವು ತುಂಬಾ ಭಾರವನ್ನೇನೋ ಹೊತ್ತಿರುತ್ತೇವೆ. ನಿಜ. ಆದರೆ ಅದನ್ನು ಮಾತಿನಲ್ಲಿ ಅಂದು ಆಡಿ ಮಾಡಬಾರದು. ಅದರಿಂದ ನಮ್ಮವರ ಮನಸ್ಸಿಗೆ ನೋವಾಗಬಾರದು ಅಲ್ಲವೇ? ಅತ್ಯಂತ ನಿಸ್ವಾರ್ಥದಲ್ಲಿ ನಮ್ಮ ಭಾರ ಹೊತ್ತಿರುವವರು ಬಹಳರಿದ್ದಾರೆ . ಇದೆಲ್ಲಾ ಒಂದು ಬಹು ದೊಡ್ಡ ಪ್ರೇಮ , ನಂಬಿಕೆ. ಇದಕ್ಕೆ ಧಕ್ಕೆಯಾಗಬಾರದು. ಹೊತ್ತು ಹೆತ್ತು ಸಾಕಿ ಸಲಹಿದ ತಾಯಿಯ ಋಣ ! ತಂದೆಯ ದೈವೀಕ ಪ್ರೀತಿ ! ಅಣ್ಣ ತಮ್ಮಂದಿರು ಕೊಡುವ ಬಲ ! ಅಕ್ಕ ತಂಗಿಯರ ಕಾಳಜಿ ! ಪತ್ನಿಯ ಪ್ರೇಮ ಮತ್ತು ಸೇವೆ ಅಂತೆಯೇ ಸಮಯಕ್ಕಾಗುವ ಸ್ನೇಹಿತರು ! ಇವರೆಲ್ಲರಲ್ಲೂ ಕುಂದುಗಳಿಲ್ಲವೆಂದಲ್ಲ ! ಇದ್ದರೂ ಅವು ನಗಣ್ಯ. ಅವುಗಳನ್ನು ಕಡೆಗಣಿಸಿಬಿಡೋಣ. ಜೀವನ ನಾಟಕದಲ್ಲಿ ಅವರ ಪಾತ್ರವನ್ನು ನಾವು ಮರೆಯುವಂತೆಯೇ ಇಲ್ಲ. ಈ ಬದುಕನ್ನು ಅವರಿಗಾಗಿಯೇ ಮೀಸಲಾಗಿಡೋಣ. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
