ಕಿವಿ ಕೊರಳು ತಲೆ ದೇಹ
ದಂಗವಂಗಕು ಬಿಡದೆ
ಬಂಗಾರದೊಡವೆಯೊಡೆ
ರೇಶಿಮೆಯ ಉಡುಗೆ !
ಝಗಮಗಿಸುತಿದೆ ನಗದು
ಜಗದ ಜನರೊಡೆ ಎದೆಯ
ನಗುವೆಲ್ಲಿ ಜಾರಿಹುದೊ!
ಜಾಣಮೂರ್ಖ ?//
ಜಗತ್ತನ್ನು ಹಾಗೇ ಸುಮ್ಮನೇ ವೀಕ್ಷಿಸಿ ಗೆಳೆಯರೇ ! ಜನರ ಕಿವಿ , ಕೊರಳು , ಬೆರಳು , ತಲೆ ದೇಹದ ಅಂಗ ಅಂಗಕ್ಕೂ ಬಂಗಾರದ ಒಡವೆಗಳು ! ರೇಶ್ಮೆಯ ಮತ್ತೆ ಇನ್ನೆಂತೆಂತದೋ ತರಾವರಿಯ ವಸ್ತ್ರಗಳು ! ಕೈತುಂಬಾ ಹಣ ! ವೈಭವದ ಜೀವನ. ಇವೆಲ್ಲಕ್ಕಿಂತ ಮಿಗಿಲಾದ ಹೃದಯ ತುಂಬಿದ ನಗು ಇವುಗಳ ನಡುವೆ ಮುಚ್ಚಿ ಹೋಗಿದೆ. ನಗು ಭಗವಂತ ನೀಡಿದ ಸುಂದರ ಆಭರಣ ! ಆ ನಗುವನ್ನೇ ಮನುಷ್ಯ ಮರೆತುಬಿಟ್ಟಿದ್ದಾನೆ. ಅದು ಕಾಣುತ್ತಲೇ ಇಲ್ಲ! ಕಂಡರೂ ಕೃತಕ ನಗು ! ಮನುಷ್ಯ ಹೃದಯದ ನಗುವನ್ನು ನಗುತ್ತಲೂ ಇಲ್ಲ ! ನಗಿಸುತ್ತಲೂ ಇಲ್ಲ ! ನಗುವಿರದ ನಗ, ನಗದು, ತೊಡುಗೆ ಬಂಗಾರಗಳು ನೆಮ್ಮದಿಯನ್ನು ಕೊಟ್ಟಾವೆ !? ಸ್ವಲ್ಪ ಚಿಂತಿಸಿ ಗೆಳೆಯರೇ !
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
