ಬಂಗಾರ ತುಂಬಲೇನ್
ಬಂಗ ತೀರದ ಮೇಲೆ
ಸಿಂಗಾರಗೊಂಡರೇ
ನರಿವಿರದ ಮೇಲೆ ?
ಬಂಗಾರ ಸಿಂಗಾರ
ರಂಗದಾ ಮೇಲಷ್ಟೆ !
ಪೆರರಾಟಕಣಿಯೆಲ್ಲ
ಜಾಣಮೂರ್ಖ //
ಕೆಲವರಿಗೆ ಬಂಗಾರದ ಒಡವೆಗಳ ಮೇಲೆ ಅದೆಷ್ಟು ಪ್ರೀತಿ ! ತಿಜೋರಿಯಲ್ಲಿ ತುಂಬಿದ್ದೇ ತುಂಬಿದ್ದು. ಅವರ ತಾಪತ್ರಯಗಳು, ತೊಂದರೆಗಳು ತೀರುವುದೇ ಇಲ್ಲ. ಬಂಗಪಟ್ಟು ಬಿಸಿಯನ್ನ ಉಣ್ಣುವುದಕ್ಕಿಂತಲೂ ತಂಗಳನ್ನವೇ ಲೇಸಲ್ಲವೇ ಗೆಳೆಯರೇ ? ಕೆಲವರಿಗಂತೂ ಆಸೆ , ಮೋಹಗಳು ಹೋಗುವುದೇ ಇಲ್ಲ. ಒಡವೆಗಳ ಹೊರೆ ಹೊತ್ತು ಭಾರದಿಂದ ಬೀಗುತ್ತಾರೆ. ತನುವು ಸಿಂಗಾರಗೊಂಡರಾಯ್ತೆ ? ಮನದ ಸಿಂಗಾರವೆಂತು ? ಇದೆಲ್ಲಾ ಕ್ಷಣಿಕವೆಂಬ ಅರಿವು ಬೇಕಷ್ಟೆ. ಈ ಬಂಗಾರ ಸಿಂಗಾರಗಳೆಲ್ಲ ಈ ಬಾಳ ನಾಟಕದ ರಂಗದ ಮೇಲಷ್ಟೆ ! ನಾವು ಒಂದನ್ನು ತಿಳಿದರೆ ಒಳಿತು ಎನಿಸುತ್ತಿದೆ. ಏನೆಂದರೆ ಇದೆಲ್ಲಾ ನಮ್ಮ ನಾಟಕ ಮುಗಿವನಕ ಅಷ್ಟೆ. ಆಮೇಲೆ ಮುಂದಿನ ಬೇರೆಯವರ ಮತ್ತೊಂದು ಆಟವಿದೆ! ಇದೆಲ್ಲಾ ಅದಕ್ಕೆ ಅಣಿಯಷ್ಟೆ ! ಏನಂತೀರಿ ?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
