ಸಮರ್ಪಣೆ

ಷಡ್ರಸಂಗಳ ಕೊಟ್ಟು
ರುಚಿಯನಿತ್ತವರಾರು ?
ಒಂದಕೊಂದರ ಮೇಳ
ಹೊಂದಿಸಿದರಾರು ?
ಪಂಚಭೂತಂಗಳನು
ಅಣಿಗೈದರಾರೆರಗು
ಆ ದಿವ್ಯ ಶಕ್ತಿಗೆಲೊ
ಜಾಣಮೂರ್ಖ //

ಈ ಶರೀರದ ರಚನೆಯೇ ಒಂದು ಸೋಜಿಗ. ಒಂದೊಂದು ಅಂಗದ್ದೂ ಒಂದೊಂದು ವೈಶಿಷ್ಟ್ಯ. ನಾಲಿಗೆ ! ಅದು ಗ್ರಹಿಸೋ ರುಚಿ ! ರುಚಿಗೆ ತಕ್ಕಂತೆ ಪ್ರಕೃತಿಯಲ್ಲಿ ರೂಪುಗೊಂಡಿರೋ ಷಡ್ರಸಗಳು ! ಅವುಗಳ ಪ್ರಮಾಣಬದ್ಧ ಹೊಂದಾಣಿಕೆಯ ಅರಿವು ! ಲಕ್ಷ ಲಕ್ಷ ಜೀವರಾಶಿಗಳು ! ಅವುಗಳ ಬದುಕಿಗಾಗಿಯೇ ಅಣಿಗೊಳಿಸಿದಂತಿರುವ ಈ ಅಪೂರ್ವ ಸೃಷ್ಟಿ ! ಆಹಾರ ವ್ಯವಸ್ಥೆ ! ಪಂಚಭೂತಗಳು! ಇವುಗಳನ್ನೆಲ್ಲಾ ಅಣಿಮಾಡಿ , ಒಂದು ವ್ಯವಸ್ಥಿತ ರೀತಿಯಲ್ಲಿ ಸ್ವಲ್ಪವೂ ಚ್ಯುತಿ ಬಾರದಂತೆ ನಡೆಸುತ್ತಿರುವ ಶಕ್ತಿ ಯಾವುದು !? ಆ ದಿವ್ಯ ಶಕ್ತಿಗೆ ನಮಿಸಲೇಬೇಕು. ಅದಾವ ಶಕ್ತಿ ಬರೆಯುವ , ಓದುವ ಶಕ್ತಿಯನ್ನಿತ್ತಿದೆ !? ಅದಾವ ಶಕ್ತಿಯ ಕಿಡಿ ನಮ್ಮಲ್ಲಿನ ವಿಧ ವಿಧದ ಭಾವಗಳಿಗೆ ಕಾರಣವಾಗಿದೆ !? ನಮ್ಮೊಳಗಿನ ಆ ಶಕ್ತಿಯನ್ನು ಎಂದಾದರೂ ನೋಡುವ ಪ್ರಯತ್ನ ಮಾಡಿದ್ದೇವೆಯೇ ನಾವು ? ಬರೀ ಸಂಪಾದನೆಯ ಕಸರತ್ತೇ ಆಗಿ ಹೋಯ್ತಲ್ಲಾ ಜೀವನ ಪೂರ್ತಿ ! ನಮ್ಮ ಆತ್ಮಸಂಸ್ಕಾರಕ್ಕಾಗಿ ಏನು ಮಾಡುತ್ತಿದ್ದೇವೆ ನಾವು !? ಅಲ್ಲವೇ ? ಹಾಗಾದರೆ ಬನ್ನಿ ಶಾಂತವಾಗಿ ಕುಳಿತು ಆ ಶಕ್ತಿಯ ಕಡೆ ಸ್ವಲ್ಪ ಚಿಂತಿಸಿ , ಮನಸ್ಸನ್ನು ಅತ್ತ ಕಡೆ ಕೇಂದ್ರೀಕರಿಸಿ ನಮಿಸೋಣ. ನಮ್ಮ ಬದುಕಿನ ಕಾರಣವನ್ನು ಚಿಂತಿಸೋಣ ! ಆ ಸತ್ ಚಿತ್ ಆನಂದವನ್ನೂ , ನಿಜ ಶಾಂತಿಯನ್ನೂ ಪಡೆಯೋಣ.

Author
Recent Posts

ಶ್ರೀ ಮುರಳೀಧರ ಹೆಚ್ ಆರ್

ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.

Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)