ಬಿಟ್ಟನೆಂದರು ಬಿಡದು
ಬಂಧನವಿದೆಂತದಿದು ?
ಬದುಕಿನೀ ಜಾತಿಮತ
ಮಸಣವನು ಬಿಡದು !
ಕತ್ತಲಿದ್ದರೆ ಇರಲಿ
ಬೆಳೆಕಿನೆಡೆಗೈದಲೇನ್ ?
ಬಿಡದೊ ಬಂಧನವದಕು ಜಾಣಮೂರ್ಖ //
ಈ ಬದುಕಿನಲ್ಲಿ ಏನೇ ಮಾಡಿದರೂ ಬಂಧನಗಳಿಂದ ಬಿಡಿಸಿಕೊಳ್ಳಲು ಆಗುವುದಿಲ್ಲ. ನೋಡುತ್ತಿದ್ದೇವಲ್ಲಾ ನಾವು ! ಬದುಕಿರುವಾಗ ಅದು ನಮ್ಮ ಜಾತಿ , ಇದು ನಿಮ್ಮ ಜಾತಿ , ಮತ , ಧರ್ಮ ಎಂದು ಹೊಡೆದಾಡುವ ನಾವು ಸತ್ತ ಮೇಲೆ ! ಸತ್ತವರು ಸಾಯುತ್ತಾರೆ. ಇರುವವರು ! ಇದು ನಮ್ಮ ರುದ್ರಭೂಮಿ ಎನ್ನುತ್ತಾರೆ. ಎಂತಹಾ ವಿಪರ್ಯಾಸವಿದು ? ಬದುಕಿನಲ್ಲಿ ಅಂಧಕಾರ ಅಜ್ಞಾನ ತುಂಬಿರಲೇನು ? ಕತ್ತಲಿನಿಂದ ಬೆಳಕಿನೆಡೆಗೆ ಬರಬಹುದಲ್ಲವೇ ? ಆದರೆ ಬರಲಾಗುತ್ತಿಲ್ಲ. ಕಾರಣ ಈ ಬಂಧನ. ಇದರಿಂದ ಬಿಡಿಸಿಕೊಂಡವರು ಮಹಾ ಮಹಿಮರಾಗುತ್ತಾರೆ , ಸಂತರಾಗುತ್ತಾರೆ. ಅಲ್ಲವೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
