ದ್ವಂದ್ವಗಳ ಮಿಶ್ರಣದಿ
ನೋಡು ಸತ್ಯವ ಬೆದಕಿ
ಅಂತರಂಗವ ಬೆಳಗು
ಬೆಳಕಿನೊಳು ಸಾಗು !
ಅಂಧಕಾರದಿ ತೊಳಲಿ
ಬೆಂದು ಬಾಳ್ವುದೆ ಬದುಕು ?
ಸತ್ಯದರ್ಶನಮೆಂದೊ?
ಜಾಣಮೂರ್ಖ //
ನಮ್ಮ ಮನಸ್ಸನ್ನು ಹಾಗೇ ಸುಮ್ಮನೆ ನೋಡಿದರೆ ತುಂಬಾ ದ್ವಂದ್ವಗಳೇ ತುಂಬಿರುತ್ತವೆ. ಬದುಕಿನ ಸತ್ಯವೇನೆಂದು ಆ ದ್ವಂದ್ವಗಳ ನಡುವೆಯೇ ಹುಡುಕಬೇಕಿದೆ. ಸ್ವಲ್ಪ ಹುಡುಕಬೇಕಷ್ಟೆ. ಜ್ಞಾನದ ಬಲದಿಂದ ಸತ್ಯವನ್ನು ಕಾಣಬೇಕಿದೆ. ಅಂತರಂಗವನ್ನು ಬೆಳಗಬೇಕಿದೆ ಕಣಯ್ಯ ಗೆಳೆಯ. ಬದುಕು ಪೂರ್ತಿ ಅಂಧಕಾರದಲ್ಲಿ ಬದುಕೋದೇ ಬದುಕಲ್ಲ. ಹೀಗೇ ಬದುಕಿದರೆ ಸತ್ಯದರ್ಶನವಾಗುವುದಾದರೂ ಎಂದು ? ಸ್ವಲ್ಪ ಶಾಂತವಾಗಿದ್ದರೆ ಸಾಕು. ಬದುಕೇ ಎಲ್ಲವನ್ನೂ ತೋರಿಸಿ , ಸತ್ಯದರ್ಶನ ಮಾಡಿಸುತ್ತೆ. ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
