ರಾವಣನ ಹಣೆಯೊಳಿರೆ
ಮರಣಶಾಸನ ಮತ್ತೆ
ಬೊಮ್ಮ ಬಂದನೆ ವರವ
ತಿದ್ದಿ ಬರೆಯಲ್ಕೆ !
ಸಾಗರದ ನೀರಿನೊಳು
ಬಂಡೆಗಳು ತೇಲಿದವು
ನಿಯತಿಯನು ಮೀರ್ದರಾರ್ ?
ಜಾಣಮೂರ್ಖ //
ರಾವಣ ಸಾವು ಬರದಂತೆ ವಿಧಾತನಿಂದ ವರವನ್ನೇನೋ ಪಡೆದ. ಆದರೆ ಮಾನವನೊಬ್ಬನಿಂದ ಮರಣ ಎಂದು ಆಗಲೇ ಬರೆದಾಗಿತ್ತು. ನನ್ನಂತಹಾ ಪರಾಕ್ರಮಶಾಲಿಯನ್ನು ಒಬ್ಬ ಮನುಷ್ಯಮಾತ್ರದವನು ಕೊಲ್ಲಲು ಸಾಧ್ಯವೇ ! ಎಂದು ಉದಾಸೀನದಿಂದ ಸುಮ್ಮನಾದ. ಆದರೆ ಶ್ರೀ ಹರಿಯೇ ರಾಮನಾಗಿ ಮಾನವ ರೂಪಿನಿಂದ ಬಂದ. ಸಾಗರದ ಅಲೆಗಳಲ್ಲಿ ಕಪಿವೀರರು ಹಾಕಿದ ಬಂಡೆಗಳು ತೇಲಿದವು ! ಸಾಗರಕ್ಕೆ ಸೇತುವೆಯೇ ನಿರ್ಮಾಣವಾಯ್ತು ! ಹಣೆಬರಹವನ್ನು ಬರೆದ ಮೇಲೆ ಮುಗಿಯಿತು ? ಬರೆದವನಿಂದಲೇ ಬದಲಾಯಿಸಲಾಗದು . ನಿಯತಿಯನ್ನು ಮೀರಿದವರು ಯಾರಿದ್ದಾರೆ ಈ ಜಗತ್ತಿನಲ್ಲಿ !? ವಿಧಿಯ ಅಣತಿಯಂತೆ ಏನು ಘಟಿಸಬೇಕೋ ಅದಕ್ಕೆ ಪ್ರಕೃತಿಯಲ್ಲಿ ಎಲ್ಲವೂ ತಾವಾಗೇ ಸಿದ್ಧವಾಗಿಬಿಡುತ್ತದೆ. ಅಲ್ಲವೇ ಗೆಳೆಯರೇ ?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
