ಬಿಸಿಲೆಂತೊ ನೆಳಲಂತು !
ಹಗಲೆಂತೊ ಇರುಳಂತು
ಒಳಿತೆಂತೊ ಕೆಡುಕಂತು
ಬಾಳ ಪಯಣದಲಿ !
ಬೇಕುಬೇಡಗಳ ಜಗ
ಸಾಕೆನಿಪುದೇನಿಲ್ಲಿ !
ವೈವಿಧ್ಯಮಯವೆಲ್ಲ
ಜಾಣಮೂರ್ಖ//
ಈ ಜಗತ್ತೇ ಹೀಗೆ. ಇಲ್ಲಿ ಬಿಸಿಲು ಹೇಗೋ ನೆಳಲೂ ಇದೆ ! ಹಗಲಿದ್ದ ಹಾಗೆ ಇರುಳೂ ಇದೆ ! ಹಾಗೆಯೇ ಒಳಿತಿದ್ದ ಹಾಗೆ ಕೆಡುಕೂ ಇದೆ. ಈ ವೈವಿಧ್ಯಮಯ ಜಗತ್ತಿನಲ್ಲಿ ನಮ್ಮ ಬದುಕು ಅರಳುತ್ತಿದೆ. ಒಬ್ಬರಿಗೆ ಬೇಕಾದದ್ದು ಇನ್ನೊಬ್ಬರಿಗೆ ಬೇಡ. ಆದರೆ ಯಾವುದೂ ಸಾಕೆನಿಸದು ! ಜಗತ್ತು ಸಾಗಲು ಎಲ್ಲವೂ ಬೇಕು. ಷಡ್ರಸೋಪೇತ ಭೋಜನದಂತೆ ! ಒಂದರಿಂದ ಇನ್ನೊಂದರ ಮಹತ್ವವೂ, ಪ್ರಾಮುಖ್ಯತೆಯೂ ಅರಿವಾಗುತ್ತದೆ. ಇದರಿಂದ ತಿಳಿಯುವ ಮತ್ತೊಂದು ಅಂಶವೆಂದರೆ ಈ ಸೃಷ್ಟಿಯು ನನಗೊಬ್ಬನಿಗಾಗಿ ಮಾತ್ರ ಅಲ್ಲ ! ಎಲ್ಲರೊಳಗೆ ನಾನೂ ಒಬ್ಬನಾಗಿದ್ದು ಪ್ರೀತಿಯಿಂದ ಬದುಕಬೇಕು ! ಎಂಬ ದಿವ್ಯತತ್ತ್ವ ! ಪ್ರತಿಯೊಬ್ಬರೂ ಇದನ್ನು ಅರಿತು ನಡೆದರೆ ಜಗತ್ತು ರಾಮರಾಜ್ಯವಾಗುತ್ತದೆ ! ಏನಂತೀರಿ ?!
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
