ದೊಡ್ಡವನು ತಾನೆಂಬ
ದಡ್ಡತನವೇಕೆ ಬಿಡು
ಖೆಡ್ಡ ತೋಡಿಹುದು ವಿಧಿ
ಮಡ್ಡ ಮಾನಸಿಯೇ !
ದೊಡ್ಡ ತಾನೆಂದವರು
ಅಡ್ಡಡ್ಡ ಮಲಗಿಹರು
ದೊಡ್ಡತನದೊಳು ಬದುಕೊ
ಜಾಣಮೂರ್ಖ //
ಸಾಮಾನ್ಯವಾಗಿ ನಮ್ಮ ವರ್ತನೆಗಳಲ್ಲಿ ಸಾರತಃ ನಾನು ದೊಡ್ಡವನೆಂಬ ಭಾವವಿರುತ್ತದೆ. ಅದು ಅಂತಹಾ ತಪ್ಪೇನೂ ಅಲ್ಲ ಆದರೆ ಅತಿಯಾಗಬಾರದಷ್ಟೆ. ಅತಿಯಾದರೆ ಅದು ನಮ್ಮ ದಡ್ಡತನವಷ್ಟೆ. ವಿಧಿಯ ಅಣತಿಯಂತೆ ಏನು ನಡೆಯಬೇಕೋ ಅದು ನಡದೇ ತೀರುತ್ತದೆ. ತಾನು ದೊಡ್ಡವನು ಎಂದು ಮೆರೆದವರೆಲ್ಲಾ ಕಾಲಗರ್ಭದಲ್ಲಿ ಹುದುಗಿ ಹೋಗಿದ್ದಾರೆ. ಅಡ್ಡಡ್ಡ ಮಲಗಿದ್ದಾರೆ. ಹಾಗಾಗಿ ನಾವು ಈ ಅಹಂಕಾರವನ್ನು ತೊರೆದು ಸೃಷ್ಟಿಯ ಅಗಾಧತೆಯಲ್ಲಿ ನಾನೊಂದು ಸಣ್ಣಕಣವೆಂಬ ಭಾವದಲ್ಲಿ ದೊಡ್ಡತನವನ್ನು ಮೆರೆಯುತ್ತಾ ಬದುಕನ್ನು ಸಾಗಿಸಿದರೆ ಬದುಕು ಎಷ್ಟು ಚಂದ ಅಲ್ಲವೇ ಗೆಳೆಯರೇ ?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
