ಹತ್ತು ತಲೆ ರಾವಣನು
ಹೊತ್ತೊಯ್ದ ಸೀತೆಯನು
ಹತ್ತಿ ಉರಿಯಿತು ಲಂಕೆ
ಹತನಾದನಯ್ಯೊ !
ಹತ್ತು ತಲೆಯಿರಲೇನು !
ಹೊತ್ತದಾಯಿತು ಬೆಳಕು
ಹೊತ್ತೊಯ್ದಿತೈ ವಿಧಿಯು
ಜಾಣಮೂರ್ಖ //
ಹತ್ತು ತಲೆಯ ರಾವಣ ಮಹಾನ್ ಪಂಡಿತ , ಶಾಸ್ತ್ರಜ್ಞ ! ವೀರ, ಶೂರ, ಪರಾಕ್ರಮಶಾಲಿ ! ಎಲ್ಲಕ್ಕಿಂತ ಹೆಚ್ಚಾಗಿ ಮಹಾನ್ ಶಿವಭಕ್ತ. ಆದರೇನು ? ಸೀತಾಮಾತೆಯನ್ನು ಅಪಹರಿಸಿದ. ಸ್ವರ್ಣಲಂಕೆಯು ಬೂದಿಯಾಯಿತು. ಹತ್ತು ತಲೆಯಿದ್ದ ರಾವಣನ ಸ್ಥಿತಿಯೇ ಹೀಗಾದರೆ ನಮ್ಮಂತಹಾ ಸಾಮಾನ್ಯರ ಗತಿಯೆಂತು ? ಹತ್ತು ತಲೆಯಿದ್ದರೂ ಅರಿವಿನ ಬೆಳಕು ಹೊತ್ತಿ ಬೆಳಗಲಿಲ್ಲ. ಅರಿವು ಮೂಡುವ ವೇಳೆಗೆ ಅವನ ಆಯುಷ್ಯವು ತೀರಿತ್ತು. ಆಯು ತೀರುವ ಮುನ್ನ ಬೆಳಕಿನೆಡೆಗೆ ಸಾಗಬೇಕು. ಏನಂತೀರಿ ?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
