ಮುಟ್ಟದಿರು ವಿಷಯಗಳ
ಕಟ್ಟಿಕೊಳ್ಳದೆ ಸುಟ್ಟು
ಬಿಟ್ಟು ಬಯಲಾಗು ಬಾ
ಕೆಟ್ಟೀಯೆ ಜೋಕೆ !
ಮತ್ತೆ ನೆನೆಯದಿರದನು
ಹತ್ತಿರಾದಾವು ಬಿಡು
ನೆನಹೆ ನೇಣಾದೀತೊ
ಜಾಣಮೂರ್ಖ //
ವಿಷಯಗಳ ಜೊತೆ ಬದುಕಲೇಬೇಕು ! ಎಂತಹಾ ಅನಿವಾರ್ಯತೆ !? ಆದರೆ ಸಾಧ್ಯವಾದಷ್ಟೂ ಅವುಗಳಿಂದ ದೂರವಿರೋಣ. ಅವುಗಳನ್ನು ಸುಟ್ಟು ಬಯಲಲ್ಲಿ ಬಯಲಾಗಬೇಕು. ಕೆಟ್ಟು ಭವಬಂಧನಗಳಲ್ಲಿ ಬಂಧಿಯಾಗಿ ತೊಳಲಾಡುವುದಕ್ಕಿಂತ ಮನದಲ್ಲೇ ಅವುಗಳಿಗೊಂದು ಅಂತ್ಯ ಹಾಡೋಣ. ಸರಿ ! ಕಡೆಗಾಣಿಸಿದ ಮೇಲೆ ಮತ್ತೆ ಕನಸಿನಲ್ಲೂ ನೆನೆಯಬೇಡಯ್ಯ . ಅವೇನು ಸ್ವಲ್ಪ ಇಂಬು ಸಿಕ್ಕರೆ ಸಾಕು ಮತ್ತೆ ಹತ್ತಿರಾಗಿಬಿಡುತ್ತವೆ ಜೋಕೆ ! ನಮ್ಮ ನೆನಹೇ ನೇಣಾಗಿಬಿಟ್ಟೀತು ! ಇದೆಲ್ಲಾ ಎಷ್ಟು ಸುಂದರವೋ ಅಷ್ಟೇ ಅಪಾಯ ! ಎಚ್ಚರಾ ! ಎಚ್ಚರಾ ! ಅದಕ್ಕೇ ಬದುಕು ಕಮಲ ಪತ್ರದಂತೆ ಇರಬೇಕು. ಅದು ನೀರಿಗೆ ಅಂಟಿಯೂ ಅಂಟದಂತಿರುವುದಲ್ಲವೇ ! ಹಾಗೇ ನಾವೂ ಸಹ ಈ ವಿಷಯಾದಿಗಳಿಗೆ ಅಂಟಿಯೂ ಅಂಟದಂತೆ ಇದ್ದುಬಿಡಬೇಕು. ಏನಂತೀರಿ ?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
