ಲೋಗರೆಲ್ಲರು ತನ್ನ
ಮಾತನಾಲಿಪರೆಂದು
ಅವರ ಸೊಲ್ಗೇಳದೆಯೆ
ಮರೆದರೇನಾಯ್ತು ?
ಎಳೆಯ ನಿಂಬೆಯ ಕಾಯಿ
ಪಕ್ವತೆಯ ಪಾಠವನು
ಪೇಳೆ ಪಣ್ ನಗುವುದೈ !
ಜಾಣಮೂರ್ಖ //
ತಾನು ಹೇಳಿದ ಮಾತನ್ನು ಎಲ್ಲರೂ ಕೇಳುತ್ತಾರೆ ಎಂದು ಅಧಿಕಾರದ, ಅರ್ಥದ ಮದದಲ್ಲಿ ನಾವು ಏನೇನೋ ಬಡಬಡಿಸಿದರೆ ಯಾರು ಕೇಳುತ್ತಾರೆ ಈ ಪ್ರಪಂಚದಲ್ಲಿ ಈಗ !? ಅವರ ಮಾತನ್ನು ವ್ಯವಧಾನದಿಂದ ಆಲಿಸಬೇಕಲ್ಲವೇ ? ಎಲ್ಲರಿಗೂ ಒಂದೊಂದು ಅಭೂತಪೂರ್ವವಾದ ವ್ಯಕ್ತಿತ್ವವಿರುತ್ತದೆ. ಅದನ್ನು ಅರಿವ ಗುಣವನ್ನು ಬೆಳೆಸಿಕೊಳ್ಳಬೇಕಷ್ಟೆ. ಇಲ್ಲದಿದ್ದರೆ ನಮ್ಮ ಅಧಿಕಾರ , ಅರ್ಥ , ದರ್ಪ ಏನೇ ಇದ್ದರೂ ವ್ಯರ್ಥವೇ. ಇದು ಹೇಗಾಗುತ್ತದೆ ಎಂದರೆ ಎಳೆಯ ನಿಂಬೆಯ ಕಾಯೊಂದು ಪಕ್ವತೆಯ ಪಾಠವನ್ನು ಹಣ್ಣಿಗೆ ಹೇಳಿದಷ್ಟು ವಿಪರ್ಯಾಸವೆನಿಸುತ್ತದೆ. ಇದನ್ನು ಕೇಳಿ ಹಣ್ಣು ನಗುತ್ತದೆ ಅಷ್ಟೆ. ಹಣ್ಣಿನ ಬೆಲೆ ಹಣ್ಣಿಗೆ ! ಎಳೆ ನಿಂಬೆ ಕಾಯಿಯ ಬೆಲೆ ಅದಕ್ಕೆ ! ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
