ಕೊಟ್ಟು ನೋಡುವನು ತಾ
ಕೊಡದೆಯೂ ನೋಡುವನು
ಕೊಟ್ಟರೂ ಕೊಡದಂತೆ
ಇಟ್ಟುಬಿಡಬಹುದು !
ಕೊಟ್ಟೊಡೇಂ ಕೊಡದೊಡೇ
ನಿಟ್ಟಂತೆ ಇದ್ದುಬಿಡು
ಕೆಟ್ಟೆನೆಂದೆನಬೇಡ
ಜಾಣಮೂರ್ಖ //
ಭಗವಂತನು ಮಾನವನ ವಿವಿಧ ಅಗತ್ಯಗಳನ್ನು ಕೊಟ್ಟು ನೋಡುತ್ತಾನೆ. ಹಾಗೆಯೇ ಕೊಡದೆಯೂ ನೋಡುತ್ತಾನೆ. ಕೊಟ್ಟರೂ ಕೊಡದಂತೆ ಇಟ್ಟು ಬಿಡುತ್ತಾನೆ. ಕೆಲವರನ್ನು ನೋಡಿ ಎಲ್ಲ ಇದ್ದರೂ ಏನೂ ಇಲ್ಲದಂತೆಯೇ ಬದುಕುತ್ತಾರೆ. ಅಲ್ಲವೇ !? ಅದಕ್ಕೆ ನಮ್ಮ ಬದುಕು ಹೇಗಿರಬೇಕೆಂದರೆ ದೈವವು ಕೊಡಲಿ , ಕೊಡದಿರಲಿ ಹೇಗಾದರೂ ಇರಲಿ ಇಟ್ಟಂತೆ ಇದ್ದುಬಿಡಬೇಕು. ಅಯ್ಯೋ ನಾ ಕೆಟ್ಟೆನೆನದಂತೆ ಬದುಕಬೇಕು. ಭಗವಂತನ ಧ್ಯಾನವನ್ನು ಮಾತ್ರ ಬಿಡಬಾರದು. ಒಂದಂತೂ ಸತ್ಯ . ಬರುವುದಿದ್ದರೆ ಬಂದೇ ಬರುತ್ತದೆ. ಬಾರದಿರುವುದಕ್ಕೆ ಚಿಂತಿಸಿ ಫಲವಾದರೂ ಏನು ! ಅಲ್ಲವೇ ಗೆಳೆಯರೇ ?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
