ಬದುಕೆಲ್ಲರಿಗು ಒಂದೆ
ಬೆದಕದರ ತತ್ತ್ವವನು
ಸುಮ್ಮನಿರದಿರು ಕೆಳೆಯ
ಅರಿಯದರ ಮರ್ಮ !
ಒಳಿತಾದರಾಗಲೈ
ಕೆಡುಕಾದರೊಳಿತ ಗೈ
ಅದುವೆ ಜೀವನ ಮರ್ಮ
ಜಾಣಮೂರ್ಖ //
ಈ ಬದುಕು ನನಗೊಂದು ರೀತಿ, ನಿಮಗೊಂದು ರೀತಿ ಇರದು. ಕಷ್ಟಗಳಿಂದ ಹೊರತಾದವರು ಯಾರೂ ಇಲ್ಲ. ಕಷ್ಟದ ಪ್ರಮಾಣದಲ್ಲಿ ವ್ಯತ್ಯಾಸವಿದ್ದರೂ ಅದು ನಾವು ಮಾಡಿಕೊಳ್ಳುವುದಷ್ಟೆ ಅಲ್ಲವೇ ? ಎಚ್ಚರ ತಪ್ಪಬಾರದಷ್ಟೆ. ನಾವು ಸುಮ್ಮನಿರದೇ ಬದುಕಿನ ತತ್ತ್ವವನ್ನು ಬೆದಕುತ್ತಲೇ ಇರಬೇಕು. ಅದರ ಮರ್ಮವನ್ನು ಅರಿಯಬೇಕು. ಅರ್ಥಾತ್ ಪ್ರಯೋಗಶೀಲರಾಗಿರಬೇಕು. ಇದರಿಂದ ಒಳ್ಳೆಯದೇ ಆಗುತ್ತದೆ. ಒಂದುವೇಳೆ ಕೆಡುಕಾಯಿತು ಎಂದಿಟ್ಟುಕೊಳ್ಳೋಣ. ಅದನ್ನು ಸರಿಪಡಿಸೋಣ. ಮನೋಶಕ್ತಿಗಿಂತ ಮಿಗಿಲಾದದ್ದು ಯಾವುದೂ ಇಲ್ಲ. ಇದರಿಂದ ಜೀವನದ ಅನುಭವಾಮೃತವು ನಮ್ಮದಾಗುತ್ತದೆ. ಜಗತ್ತಿಗೆ ಆ ನವನೀತವನ್ನು ಹಂಚೋಣ. ನಿಮಗಿದು ಗೊತ್ತೇ ಗೆಳೆಯರೇ ಅದು ಹಂಚಿದಷ್ಟೂ ಹೆಚ್ಚುತ್ತಲೇ ಹೋಗುತ್ತದೆ. ತೆಗೆದುಂಬುವರಿಗೆ ಅದೊಂದು ಅಕ್ಷಯಪಾತ್ರೆ ಇದ್ದಹಾಗೆ. ಹೇಗಿದೆ ನೋಡಿ ಬದುಕಿನ ಮರ್ಮ !
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
