ಕೊಡುವನೈ ದೇವ ತಾ
ನೆಲ್ಲರಿಂಗೆಲ್ಲವನು !
ಕೀಟಾದಿ ಪಶುಪಕ್ಷಿ
ಬದುಕಿಲ್ಲವೇನು !?
ತಂದಿಕ್ಕುವನೆ ಗವಿಗೆ
ಗಹ್ವರಕೆ ಗೂಡಿಗೆಲೊ !
ಕಟ್ಟಿಕೊಳ್ಳವೆ ಬದುಕ
ಜಾಣಮೂರ್ಖ //
ಭಗವಂತನು ಎಲ್ಲರಿಗೂ ಎಲ್ಲವನ್ನೂ ಕೊಟ್ಟಿರುತ್ತಾನೆ. ಅವರವರ ಪುಣ್ಯಕ್ಕೆ ತಕ್ಕಂತೆ ಎಲ್ಲವೂ ಸಿಕ್ಕಿರುತ್ತದೆ ಬಿಡಿ. ಆದರೆ ನಾವೇ ಅಗತ್ಯ ಮೀರಿ ಆಸೆಪಟ್ಟು ದುಃಖಕ್ಕೀಡಾಗುತ್ತೇವೆ ಅಷ್ಟೆ. ಪಶು ಪಕ್ಷಿ ಕ್ರಿಮಿ ಕೀಟಾದಿಗಳೂ ಬದುಕುತ್ತಿವೆ ಅಲ್ಲವೇ ? ಅಗತ್ಯ ವಸ್ತುಗಳನ್ನು ದೇವರೇನು ಅವು ವಾಸಿಸುವ ಗೂಡಿಗೋ, ಕಾಡಿಗೋ , ಗವಿಗೋ ತಂದಿಡುವನೇನು ? ಅವೂ ಕೂಡ ಸ್ವಪ್ರಯತ್ನದಿಂದ ಬದುಕುತ್ತಿವೆ ತಾನೆ ? ನಮಗೂ ಹಾಗೆಯೇ ಬೇಕಾದುದನ್ನು ನೀಡಿದ್ದಾನೆ. ಕೂಡಿಡುವ ಪ್ರವೃತ್ತಿಯನ್ನು ಬಿಟ್ಟು ಸೋಮಾರಿಗಳಾಗದೇ, ಅತಿಯಾಸೆ ಪಡದೇ ಅಗತ್ಯವಿರುವಷ್ಟನ್ನು ಮಾತ್ರ ಪಡೆದು ಸಂಭ್ರಮದಿಂದ ಬದುಕಿದರೆ ಕ್ಷಣಕ್ಷಣವೂ ಸಂತಸಮಯವಾದೀತು ! ಅಲ್ಲವೇ ಗೆಳೆಯರೇ !?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
