ಕಾಯವಳಿವುದು ಚಣದಿ
ನೆನೆ ಮನದಿ ಸಾಕದುವೆ
ಅಧ್ಯಾತ್ಮ ಗುರುವೇಕೆ ?
ಹೊತ್ತಗೆಗಳೇಕೆ ?
ಕುಲವೇಕೆ? ಛಲವೇಕೆ?
ಅರಿವೇಕೆ ? ಸಿರಿಯೇಕೆ ?
ಸಾರ ಸಾಕ್ಷಾತ್ಕಾರ
ಜಾಣಮೂರ್ಖ //
ಕ್ಷಣಮಾತ್ರದಲ್ಲಿ ಈ ಶರೀರವು ಅಳಿಯುತ್ತದೆ. ಹೀಗೇ ಕೊನೆಯಾಗುತ್ತದೆ ಎಂಬುದರ ಅರಿವು ಯಾರಿಗೂ ಇರುವುದಿಲ್ಲ. ಅಂತೂ ನಾವು ಸಾಯುತ್ತೇವೆ ಎಂಬುದನ್ನು ಒಮ್ಮೆ ಮನಸ್ಸಿಗೆ ತಂದುಕೊಳ್ಳಿ ಸಾಕು! ಮನಸ್ಸು , ದೇಹ ಎಲ್ಲ ಗಂಭೀರವಾಗಿಬಿಡುತ್ತದೆ.
ಯಾವ ಅಧ್ಯಾತ್ಮ ಗುರುವೂ ಬೇಡ. ಪುಸ್ತಕಗಳೂ ಬೇಡ. ಕುಲವಾಗಲಿ , ಮನಸ್ಸಿನ ಛಲವಾಗಲಿ, ಅರಿವಾಗಲಿ , ಐಶ್ವರ್ಯವಾಗಲಿ ಯಾವುದೂ ಬೇಡವೆನಿಸಿ ಬದುಕಿನ ಸಾರವೇ ಸಾಕ್ಷಾತ್ಕಾರಗೊಂಡಂತೆ , ಎಲ್ಲ ಜಂಜಾಟಗಳಿಂದ ಬಿಡುಗಡೆಗೊಂಡ ಒಂದು ತೆರನಾದ ನಿರ್ಲಿಪ್ತ ಭಾವವು ನೆಲೆಗೊಳ್ಳುತ್ತದೆ ! ಅಚ್ಚರಿಯೆಂದರೆ ಇದು ಕೆಲ ನಿಮಿಷಗಳಷ್ಟು ಕಾಲವೂ ಸ್ಥಾಯಿಯಾಗಿರುವುದಿಲ್ಲ. ಮತ್ತಾಗಲೇ ಇಹಕ್ಕೆ ಜಾರಿ ಬಿಡುತ್ತೇವೆ. ಮಾಯಾ ಪ್ರಪಂಚದಲ್ಲಿ ಸೇರಿಹೋಗುತ್ತೇವೆ. ಎಲ್ಲವೂ ಚಿರವೇನೋ ಎಂಬಂತೆ ಗುದ್ದಾಡುತ್ತೇವೆ. ಎಷ್ಟು ವಿಚಿತ್ರ ಅಲ್ಲವೇ ಸ್ನೇಹಿತರೇ !!?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
