ಹಿಡಿಯಲೆಳೆಸುವೆಯೇಕೆ
ಚಿಟ್ಟೆಯನು ಬೆನ್ನಟ್ಟಿ !
ಹಿಡಿಯಲಳವೇನದನು
ಪೇಳೆಲವೊ ಕೆಳೆಯ !?
ಸುಮ್ಮಗಿರಲದೆವಂದು
ಬೆನ್ನೇರಿ ನಲಿವುದೈ
ಇದೆ ಸೃಷ್ಟಿ ಸತ್ಯ ಕಾಣ್
ಜಾಣಮೂರ್ಖ //
ಬಣ್ಣದ ಚಿಟ್ಟೆ ! ಅತ್ಯಂತ ಸುಂದರ ! ಮನಮೋಹಕ! ಆದನ್ನು ನೋಡಿ ಮನದಲ್ಲಿ ಸಂತೋಷ ಪಡಬೇಕು. ಆದರೆ ನಾವು ಅದನ್ನು ಹಿಡಿಯಲು ಹೋಗುತ್ತೇವೆ. ಆದರೆ ಅದು ಕೈಗೆ ಸಿಗುತ್ತದೆಯೇನು ? ಆದರೂ ನಾವು ವ್ಯರ್ಥ ಪ್ರಯತ್ನವನ್ನು ಮಾತ್ರ ಕೈಬಿಡುವುದಿಲ್ಲ. ಹೀಗೇಕೆ ನಮ್ಮ ವರ್ತನೆ !? ಈ ಬೆನ್ನಟ್ಟುವುದನ್ನು ಬಿಟ್ಟು ಸುಮ್ಮನೆ ಒಂದು ಕಡೆ ಶಾಂತವಾಗಿ ಕುಳಿತುಕೊಳ್ಳಿ. ಆ ಚಿಟ್ಟೆಯೇ ನಿಮ್ಮ ಬೆನ್ನ ಮೇಲೆ ಬಂದು ಕುಳಿತುಕೊಳ್ಳುತ್ತದೆ. ಹೀಗೆಯೇ ಕೈಗೆಟುಕದುದಕ್ಕೆ ಸುಮ್ಮನೇ ವ್ಯರ್ಥ ಪ್ರಯತ್ನ ಮಾಡದೇ ಶಾಂತವಾಗಿರಿ. ಒಂದು ದಿನ ಭಗವಂತ ಅದನ್ನು ನಿಮಗೆ ಕರುಣಿಸುತ್ತಾನೆ. ಮನಸ್ಸು ಶಾಂತವಾಗಿ ಆನಂದವು ನೆಲೆಗೊಳ್ಳುತ್ತದೆ. ಅಲ್ಲವೇ ಗೆಳೆಯರೇ ?
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
