ಜನ್ಮಜನ್ಮಾಂತರದ
ಪ್ರಾರಬ್ಧ ಕಳೆಯಲ್ಕೆ
ದೈವಕೊಟ್ಟೀ ಭವಕೆ
ಆಧಾರ ಗುರುವು
ಮರ್ತ್ಯದೊಳ್ಮಿತ್ತುವಿನ
ಭಯಗಳೆದು ಪೊರೆವ ಗುರು
ಅರಿವ ಸೊಡರಿಂಗೆರಗೊ
ಜಾಣಮೂರ್ಖ //
ನಾವು ನಮ್ಮ ಪ್ರಾರಬ್ಧಕರ್ಮಾನುಸಾರವಾಗಿ ಅನೇಕ ಜನ್ಮಗಳನ್ನು ಕಳೆದು ಸುಕೃತ ಫಲದಿಂದ ಈ ಮಾನವ ಜನ್ಮವನ್ನು ಪಡೆದಿದ್ದೇವೆ. ಈ ಜನ್ಮವು ಭಗವಂತನಿಂದ ನೀಡಲ್ಪಟ್ಟ ಅಮೂಲ್ಯವಾದ ಉಡುಗೊರೆಯಾಗಿದೆ. ಈ ಭವ ಬಂಧನದಿಂದ ಬಿಡುಗಡೆಯ ನೀಡಲು ಭಗವಂತ ಕಳಿಸಿರುವ ಏಕೈಕ ಅಧಿಕೃತ ದೇವದೂತನೆಂದರೆ ಗುರು ! ಅದಕ್ಕೇ ಹರಮುನಿಯಲ್ ಗುರುಕಾಯ್ವನೆಂಬ ಮಾತು ಅದೆಷ್ಟು ಅರ್ಥಪೂರ್ಣ ! ಮರ್ತ್ಯಲೊಕದಲ್ಲಿ ಮೃತ್ಯುವಿನ ಭಯ ಕಳೆದು ಉದ್ಧರಿಸುವ ಪರಮ ಗುರುವು ಅರಿವಿನ ಸೊಡರು ! ಅಂತಹಾ ಗುರುವಿನ ಚರಣಾರವಿಂದಗಳಿಗೆ ನಮಸ್ಕರಿಸಿ ನಮ್ಮ ಜನ್ಮವನ್ನು ಸಾರ್ಥಕಪಡಿಸಿಕೊಳ್ಳೋಣ. ಅಲ್ಲವೇ ಗೆಳೆಯರೇ !
ಶ್ರೀ ಮುರಳೀಧರ ಹೆಚ್ ಆರ್ ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಹೆಗ್ಗೆರೆ ಗ್ರಾಮದವರು ಪ್ರಸ್ತುತ ತಿಪಟೂರಿನ ಬಾಲಕಿಯರ ಸರ್ಕಾರೀ ಪದವಿ ಪೂರ್ವ ಕಾಲೇಜಿನ ಪ್ರಾಢಶಾಲಾ ವಿಭಾಗದಲ್ಲಿ ಕನ್ನಡ ಭಾಷಾ ಉಪದಾಧ್ಯಾಯರಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ, ಕಲೆ, ಸಂಗೀತ ಮೊದಲಾದವುಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿರುವ ಇವರು ಶಿಕ್ಷಣ ಇಲಾಖೆಯಲ್ಲಿ ರಾಜ್ಯಮಟ್ಟದ ಸಂಪನ್ನೂಲ ವ್ಯಕ್ತಿಯಾಗಿ ತಮ್ಮನ್ನು ತೊಡಗಿಸಿಕೊಂಡವರು. "ಹೊರಬೀಡು" ಇವರ ಕಥಾ ಸಂಕಲನವಾಗಿದೆ. ಇದಾಗಲೇ ಎಂಟುನೂರಕ್ಕೂ ಅಧಿಕ ಮುಕ್ತಕಗಳನ್ನು ಅರ್ಥ ಸಹಿತ ಬರೆದು ಸಾಮಾಜಿಕ ಜಾಲತಾಣಗಳಲ್ಲೂ ಪ್ರಸಿದ್ಧರಾಗಿದ್ದಾರೆ.
Latest posts by ಶ್ರೀ ಮುರಳೀಧರ ಹೆಚ್ ಆರ್ (see all)
- ಭವ ಕಳೆವ ಶಿವ ಸತ್ಯ - September 6, 2021
- ಬಾಳಿನಾಹವ - September 4, 2021
- ಪಿಡಿದರಿವಿನೊಳ್ಮಾಗು - September 3, 2021
